Qiyamçılar Ərdoğanı məhv edə bilməyiblər

Türkiyə prezidenti Ərdoğan hərbi çevriliş cəhdindən sonra İstanbul hava limanında brifinqdə ötən gecə baş vermiş olaylardan danışıb.

O deyib ki, ötən gün Trükiyə Silahlı Qvvələri sıralarında canlanma müşahidə edilib və hərbçilərin bir hissəsi Fətullah Gülənin göstərişi ilə hərəkət edib. Onun tərəfdarları ordu, polis və digər qurumlara daxil olub.

Baş verənlərin müsbət tərəfi də var. Türkiyə SQ sıraları terrorçuların tərəfdarlarından təmizlənməlidir”, - o əlavə edib.

Özü barədə danışan Ərdoğan qeyd edib ki, çevriliş baş verən vaxt Marmarisdə oteldə olub. “Mən oteldən çıxan kimi ora aviazərbə endirildi, həm də mənim olduğum yerə. Bunun ardınca ağır texnika ilə silahlanmış maskalı hərbçilər  vertolyotdan enərək oteli əhatəyə aldılar. Toqquşma zamanı beş polis əməkdaşı həlak olub.

Ola bilsin ki, düşünüblər ki, biz hələ də oradayıq və bizim İstanbula uçuşumuzu izləyə bilməyiblər”, - o bildirib.

“Milli Kəşfiyyat Xidmətinə, dövlət başçısının administrasiyasına, hökumət başçısına  qarşı eyni hərəkət törədilib. Onlar mənim baş katibimi və Türkiyə SQ Baş Qərargah rəhbərini girov götürüblər”, - dövlət başçısı qeyd edib.

O həmçinin deyib ki, qiyamçıların  F-16 qırıcıları Atatürk hava limanı üzərində dövrə vuraraq mülki təyyarələrin uçuşuna imkan verməyiblər, onların İstanbula gəlişinə əngəl törətməyə çalışıblar.02D-