Qubad İbadoğlu Müsavat Partiyası sıralarından ittihamla xaric edilib

Müsavat Partiyasının Divanı partiya üzvü Qubad İbadoğlunu təşkilat sıralarından xaric edib.

Divanda Q.İbadoğlnun keçən il partiyanın VIII qurultaytından sonrakı fəaliyyəti müzakirə obyekti olub. Onun partiyadan çıxaırlmasına əsas kimi “partiyanın təməl prinsiplərini, partiya nizamnməsinin müəyyən maddələrini pozması” əsas gətirilib.

Q.İbadoğlu ölkədə ictimai fəaliyyətilə kifayət qədər tanınan şəxslərdən biridir. Müsavat Partiyası Divanın üzvü olub.

2014-cü ilin sentyabrında partiyanın VIII qurultayında partiya başqanlığına namizəd olub. Adı çəkilən qurultayda Müsavat Partiyası Mərkəzi İcra Aparatının rəhbəri Arif Hacılının partiya sədri seçlidiyi təsdiqlənib. Q.İbadoğlu səsvermənin nəticələrinə görə, A.Hacılıya cüzi səs fərqilə məğlub olub.

Qurultaydan sonra nəticələrlə razılaşmayan Q.İbadoğlu seçkidə olmasa da seçkiyə qədər qurultay nümayəndələrinin A.Hacılı tərəfindən ələ alınması kimi halların olması haqda açıqlamalar veib. Bununla yanaşı Q.İbadoğlu Azərbaycan Demokrat Rifah Hərəkatı təsis edib. Seçkilərin nəticələrilə razılaşmayan bir çox müsavatçı, eləcə də digər partiyalardan olan şəxslər Hərəkat sıralarında birləşiblər. Müsavat Partiyası rəhbərliyi bunu partiyanın parçalanması təhlükəsi kimi qəbul edib.

Qurultaydan bu yana isə tərəflərin bir-birinə qarşılıqlı itithamları səngiməyib, hətta sosial şəbəkələrdə belə bu məsələ qızğın müzakirə olunub. Müsavat Partiyasının yeni rəhbərliyi bir çox şəxsləri belə mövqelərinə görə partiya sıralarından xaric edib.

Q.İbadoğlu özü isə fevralın 6-da partiya Divanının qərarı ilə partiya sıralarından xaric edilib.

Partiya rəhbərliyinin bu addımına münasibət də özünü çox gözlətməyib. Partiya üzvü, keçmiş vicdan məhbusu Elşən Həsənli bu “korkoranə, əsassız qərarı” birmənalı pislədiyini, Q.İbadoğlunun hüquqlarını partiya rəhbərliyinin avtoritar özbaşınalığından qoruyacaqlarını nəzərə çatdırıb.

E.Həsənli Q.İbadoğlunun 20 ildən artıq partiya üzvü, ölkənin vətəndaş cəmiyyətinin tanınmış simalarından, iqtisadi sahədə tanınmış simalardan olduğunu vurğulayıb.

Keçmiş siyasi məhbus Tural Abbaslı da qərarı yanlış və səhv sayaraq bunun düşünülmüş addım olmadığını, partiyaya xeyir gətriməyəcəyini bildirib.

Q.İbadoğlu özü də qərarı “yanlış,  əsassız və sifarişli” adlandırıb. Onun sözlərinə görə, Divanla əldə edilən razılığa görə, müzakirələr açıq olmalı və videoçəkiliş aparılması ilə müşayət edilməli idi. Amma partiya rəhbərliyi bu razılığı pozub. Q.İbadoğlu partiyadan xaric olunması ilə bağlı qərarı “əvvəlcədən hazır olan qərarın rəsmiləşdirilməsi” kimi qiymətləndirib.

Q.İbadoğlu partiya sıralarından xaric edilənlərin çox olduğunu, bu prosesin davam edəcəyini deyərək partiyadan xairc edilənlərin hüquqlarının müdafiəsi məqsədilə Müdafiə Komitəsinin yaradıldığını və mübarizə aparacaqlarını nəzərə çatdırıb.-05D-