Ədliyyə Nazirliyinin Hüquqi Şəxslər və Vətəndaşlıq Vəziyyəti İdarəsi Azərbaycan Demokratiya və Rifah Hərəkatı (ADR) İctimai Birliyini qeydiyyata almaqdan imtina edib. Nazirliyə təqdim edilən sənədlər sənədlər geri qaytarılıb. Bu barədə Turan-a qurumun lideri Qubad İbadoğlu bildirib.
O, Ədliyyə Nazirliyinin qərarını siyasi adlandırıb. “Əslində baş verənlər bizim üçün gözlənilən idi. Çünki Ədliyyə Nazirliyinin qərarı hüquqi müstəvidə deyil, siyasi əsasda verəcəyinə şübhəmiz yox idi. Amma bütün bunlara baxmayaraq Azərbaycan Demokratiya və Rifah (ADR) Hərəkatının dövlət qeydiyyatı ilə bağlı sənədlərini "Qeyri-hökumət təşkilatları (ictimai birliklər və fondlar) haqqında“ və “Hüquqi şəxslərin dövlət qeydiyyatı və dövlət reyestri haqqında” Azərbaycan qanunlarının tələblərinə uyğun surətdə hazırlayaraq Ədliyyə Nazırliyinə təqdim etmişdik. Sənədlərin hazırlanması və təqdimatı prosesi ADR Hərəkatının üzvü olan hüquqşünaslarla məsləhətləşərək müvafiq qanunvericliyə uyğun həyata keçirilsə də Ədliyyə Nazirliyi ADR Hərəkatını qeydiyyatda almaqdan imtina etmiş və bəzi texniki iradlarla sənədləri geri qaytarıb. Həmin iradlar nəzərə alınmaqla ADR Hərəkatının sənədlərini yaxın günlərdə yenidən qeydiyyata təqdim edəcəyik. Bu istiqamətdə fəaliyyətimizi Azərbaycan qanunvericiliyi əsasında davam etdirmək niyyətindəyik. Əgər yenidən qeydiyyatdan imtina olunarsa o halda ADR Hərəkatının İdarə Heyətinin qərarları əsasında növbəti addımlarımızı müəyyənləşdirəcəyik”, -Q.İbadoğlu bildirib.
Xatırladaq ki, Müsavat Partiyasının sədri postuna sabiq namizəd Qubad İbadoğlu və tərəfdarları Azərbaycan Demokratiya və Rifah (ADR) Hərəkatının yaradılması haqqında 2014-cü il fevralın 4-də bəyannamə yayıb. 2015-ci il fevralın 1-də təsis konfransı keçirilib.
Bəyannamədə bildirilib ki, yeni yaradılan hərəkatın məqsədi Azərbaycanda etnik, dini, siyasi mənsubiyyətindən asılı olmayaraq hər bir ölkə vətəndaşının hüquq və azadlıqlarını və yüksək rifahını təmin edəcək azad, demokratik cəmiyyətin və hüquqi dövlətin qurulmasına töhfə verməkdir. -03B-
Siyasət
-
Jurnalist Şəmşad Ağa gecə saatlarında polis tərəfindən saxlanılıb. Bu barədə jurnalistin qardaşı Şahid Ağayev Amerikanın Səsinə bildirib.
-
Rəqəmsal İnkişaf və Nəqliyyat Nazirliyi “Azərbaycan Hava Yolları” QSC-yə (AZAL) məxsus “Embraer 190” tipli sərnişin təyyarəsinin Aktau hava limanı yaxınlığında qəzaya uğraması ilə bağlı Beynəlxalq Mülki Aviasiya Təşkilatının (BMAT) 1944-cü il Beynəlxalq Mülki Aviasiya haqqında Çikaqo Konvensiyasının 13 saylı Əlavəsinin tələblərinə uyğun aparılan araşdırmanın ilkin hesabatı barədə məlumat yayıb.
-
Qazaxıstan Respublikasının Nəqliyyat Nazirliyi 25 dekabr 2024-cü il tarixində Aktau yaxınlığında baş vermiş Azərbaycan Hava Yollarına məxsus Embraer-190 təyyarəsinin qəzaya uğraması ilə bağlı ilkin araşdırma hesabatını dərc edib. Hesabat nazirliyin rəsmi saytında açıq şəkildə yayımlanıb.
-
Brüsselin boz, geniş səmaları altında bu ay Avropa Komissiyasında idarəetmə təşəbbüsünün bir işarəsi həyata keçirildi, Avropa İttifaqının diplomatik əlaqələrində yenilənmiş bir canlanma elan etdi. Yeni qurulan Genişlənmə və Şərq Qonşuluğu üzrə Baş Direktorat (DG ENEST) 1 Fevralda debüt etdi, İttifaqın şərq qonşuları və potensial yeni üzvlərlə qarşılıqlı əlaqələrini yenidən tənzimləmək üçün yeni bir kurs müəyyən etdi.
Rəy yaz