Qüdsi Osmanov Rusiyada səfirin müavini təyin edilib

Azərbaycan prezidentinin sərəncamı ilə Qüdsi Osmanov Sankt-Peterburqda baş konsul vəzifəsindən geri çağırılıb. Lakin onun diplomatik xidmətdə qalıb-qalmadığı açıqlanmır. 

Lakin Moskvadakı mənbələrdən Turan-a məlum olub ki, Q.Osmanov Azərbaycanın Rusiyadakı səfirinin müavini təyin olunub.

Azərbaycan XİN bu məlumatı şərh etmir.

Qeyd edək ki, fevralın əvvəllərində Ümumrusiya Azərbaycanlıları Konqresinin (ÜAK) sədri Məmməd Əliyev Q.Osmanovun ÜAK-ın icraçı direktoru vəzifəsinə təyinatını təklif etmişdi. Lakin Q.Osmanov diplomatik fəaliyyətini əsas gətirərək imtina etmişdi.    

Q.Osmanov fəaliyyətə sahibkar kimi başlayıb, sonra Bakıda hakimiyyətlə əlaqələr qurub. Bir müddət əvvəl onun adı gənc qadınla bağlı qalmaqalda hallanıb.

Bu cür təyinatın məqsədəuyğunluğu bir sıra ciddi suallar doğurur və Azərbaycanın xarici siyasətində Rusiyanın rolu və yeri baxımından çətin izah olunur.  Lakin “milyarderlər ittifaqı”nın yaradılması və Azərbaycanda rəngli inqilaba hazırlıqla bağlı spekulyasiya fonunda izah ediləndir. Belə vəziyyətdə Azərbaycan hakimiyyətinə bacarıqlı diplomat yox, sadiq adam lazımdır. —03B06-