Ramil Usubov Azərbaycanda FETÖ-yə qarşı mübarizə aparılacağını vəd edib

Türkiyədə səfərdə olan Azərbaycan DİN rəhbəri Ramil Usubov çərşənbə günü  Ankarada bu ölkənin daxil işlər naziri Əfqan Əli ilə görüşüb.

Türkiyə DİN-in məlumatında deyilir ki, görüş zamanı 15 iyul dövlət çevrilişinə cəhd mövzusuna və iki ölkə arasında əməkdaşlıq məsələlərinə toxunulub.

Danışıqlardan sonra keçirilən mətbuat konfransında Əfqan Əli deyib ki, terrorizmə qarşı mübarizə əsas əməkdaşlıq mövzularından biri olaraq qalır. Onun sözlərinə görə, tərəflər Türkiyə və Azərbaycanda FETÖ özəklərinin məhv edilməsi məsələsində əməkdaşlıq edirlər.

Öz növbəsində R.Usubov deyin ki, 15 iyul dövlət çevrilişinə cəhddən sonra atılan addımların müzakirəsi məqsədilə Türkiyəyə gəlib.

“Azərbaycanda FETÖ özəklərinə qarşı addımlar bundan sonra da davam etdiriləcək. Bu, həm də Azərbaycana qarşı cinayətdir. Bu problemin yüksək səviyyədə həlli üçün bütün tədbirlər görüləcək”, - R.Usubov vəd edib.

Qeyd edək ki, Azərbaycan DİN R.Usubovun Ankaraya səfəri barədə məlumat verməyib.-16D-