Prezident İlham Əliyev su anbarlarının istismarının yaxşılaşdırılması üzrə dövlət komissiyası yaradıb. Komissiyanın sədri vəzifəsinə Prezident Administrasiyasının rəhbəri Ramiz Mehdiyev təyin edilib, bir neçə gün əvvəl ona Bakı kanalizasiyasını yaxşılaşdırmaq tapşırılıb.
Görünür, Mehdiyev artıq Bakının problemlərini uğurla həll edib ki, ona Şəmkir, Yenikənd, Mingəçevir, Varvara və Ceyranbatan su anbarlarının da istismarını yaxşılaşdırmaq tapşırılıb.
Sərəncamın mətnində deyilir ki, komissiyanın məqsədi bu su anbarlarının problemlərini öyrənməkdən, mümkün texnogen prosesləri qiymətləndirmək və proqnozlaşdırmaqdan ibarətdir.
Dövlət komissiyasına həmçinin baş nazirin müavini Abid Şərifov, Prezident Administrasiyası rəhbərinin müavini Zeynal Nağdəliyev, FHN rəhbəri Kəmaləddin Heydərov, DİN rəhbəri Ramil Usubov, maliyyə naziri Samir Şərifov, İqtisadiyyat naziri Şahin Mustafayev, “Azərenerji” ASC sədri Etibar Pirverdiyev, “Azərsu” ASC sədri Qorxmaz Hüseynov, “Meliorasiya və Su Təsərrüfatı” ASC sədri Əhməd Əhmədzadə daxil olub.
Dövlət Komissiyası 2 ay ərzində su anbarlarına təhlükə yaradan amilləri müəyyənləşdirməli və prezidentə onların təhlükəsizliyinin təmin edilməsi üzrə təkliflər təqdim etməlidir.
Sərəncamda 80 yaşlı keçmiş ideoloqun bu məsələlərin həllində hansı rolu oynaya biləcəyi izah olunmur. -71D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz