Rasmussen bir daha Moskvanı Ukraynadan qoşunlarını çıxarmağa çağırdı
NATO baş katibi Anders Foq Rasmussen çərşənbə axşamı Parisdə mətbuat konfransında bildirib ki, Ukraynanın şərqində Rusiyayönlü aksiyalar beynəlxalq ictimaiyyətdə böyük narahatlıq doğurur. Bununla əlaqədar olaraq, alyansın lideri Rusiyanı “geriyə doğru addım atmağa” – qonşu ölkənin sərhədindən qoşunları çəkməyə çağırıb, xəbəri Reuters agentliyi yayıb. Rasmussenin sözlərinə görə, Şərqi Ukraynada tərəflərin bundan sonraki istənilən fəallığı münaqişənin ciddi şəkildə gərginləşməsi hesab olunacaq.
NATO baş katibi dəqiqləşdirib ki, Moskva ölkənin dərinliklərindən “on minlərlə hərbiçisini” geri çəkməlidir. Qeyd edək ki, Ukrayna ilə sərhəddə hərbiçilərin dəqiq sayı haqqında Qərbin əlində dəqiq rəqəmlər yoxdur. ATƏT-in qiymətləndirməsinə görə, RF sərhədyanı ərazilərə on minlərlə hərbiçi çəkir.
Rasmussen Rusiya rəhbərliyinə xəbərdarlıq edib ki, Ukraynaya mümkün “hücumun” “ciddi nəticələri” olacaq – RF “tarixi səhvə yol verəcək”, deyə o vurğulayıb. BMT Baş katibinin sözlərinə görə, bu addım alyans üzvlərinin RF ilə münasibətlərinə həddindən artıq mənfi təsir göstərəcək və Moskvanın beynəlxalq təcridinə gətirib çıxaracaq.
Bu arada NATO tərəflərlə əvvəllər imzalanmış əsas sazişlərə yenidən baxacaq. NATO liderinin sözlərinə görə, 1997-ci il tarixli Rusiya-NATO arasında qarşılıqlı münasibətlər, əməkdaşlıq və təhlükəsizlik haqqında Əsas Akta, habelə 2002-ci il tarixli Roma Bəyannaməsinə yenidən baxılacaq, xəbəri Reuters yayıb. Eyni zamanda, Kiyevlə əməkdaşlıq möhkəmləndiriləcək və NATO silahlı qüvvələri gücləndiriləcək.
NATO baş katibinin fikrincə, Ukrayna böhranı göstərib ki, “biz öz təhlükəsizliyimizi öz-özünə mövcud olan bir şey hesab edə bilmərik” – onun haqqını verməyə hazır olmaq lazımdır. Rasmussen son illər Aİ-də alyansın bəzi müttəfiqlərinin müdafiə xərclərini azaltmasından şikayətlənib, bir halda ki, Rusiya əksinə, hərbi büdcəsini xeyri artırıb. -02D-
-
- Cəmiyyət
- 8 Aprel 2014 18:24
Siyasət
-
TURANın Vaşinqton müxbiri xəbər verir ki, ABŞ dövlət katibi Antoni Blniken BMT-nin mənzil-qərargahından bir neçə məhəllə aralıda yerləşən Lotte New York Palace otelində Azərbaycan və Ermənistan xarici işlər nazirlərini qəbul edir.
-
Sentyabrın 26-sı saat 16:10 radələrində Ermənistan silahlı qüvvələrinin bölmələri Gorus rayonunun Ərəvus yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Culfa rayonunun Ləkətağ yaşayış məntəqəsi
-
Bu gün Bakı Ağır Cinayətlər Məhkəməsində iflic fəal Famil Xəlilovun işi üzrə proses davam edib.
-
Azərbaycan Prezidenti İlham Əliyevin 27 yaşlı oğlu Heydər Əliyev, sentyabrın 26-da ilk dəfə yüksək səviyyəli iqtisadi məsələlər üzrə müşavirədə iştirak edərək, əhəmiyyətli bir ictimai görünüş nümayiş etdirdi. Anası, Birinci vitse-prezident Mehriban Əliyevanın yanında oturan Heydər Əliyevin müşavirəyə qatılması onun dövlət işlərində artan iştirakına dair suallar doğurdu.
Rəy yaz