Bu gün vəkil Fuad Ağayev və Elmar Süleymanov Milli Təhlükəsizlik Nazirliyinin istintaq təcridxanasında saxlanan “Ayna-Zerkalo” qəzetinin müxbiri Rauf Mirqədirovla görüşüb.
Vəkil Fuad Ağayev Turan-a bildirib ki, saat yarım çəkən görüşdə jurnalistlə müxtəlif mövzularda söhbətlər ediblər. “Rauf Mirqədirov Ukrayna və Azərbaycanda durumdan narahatdır, Rusiyanın Ukrayna və Azərbaycana təzyiqlərinin artacağından narahatdır, Ermənistan-Azərbaycan cəbhəsindəki gərginliyi Rusiya ilə bağlı olduğunu deyir”.
Vəkil jurnalistin səhhətinin normal olduğunu bildirib. “Rauf Mirqədirov gələcəyə nikbinliklə baxır”, deyə o qeyd edib.
Rauf Mirqədirov son bir neçə ildə ailəsi ilə birgə Ankarada yaşayırdı. Aprelin 17-də heç bir izah verilmədən onun Türkiyədəki akreditasiyası ləğv edilib və o saxlanılıb. Aprelin 19-da Bakıya yola salınıb və Bakı hava limanında həbs edilib. Mirqədirov Ermənistanın xeyrinə casusluqda ittiham edilir. O, ittihamı rədd edir və sifariş hesab edir. -0-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz