Açiq mənbələrdən foto.
Bakı/17.07.20/Turan: Dövlət Təhlükəsizliyi Xidməti sosial şəbəkələrdə yayılan iyulun 14-də gecə saatlarında bir qrup şəxsin təxribat məqsədilə Milli Məclisinin inzibati binasına daxil olmasının xüsusi xidmətlər tərəfindən təşkil edilməsi barədə iddiaları təkzib edib.
İstifadəçilər bu iddianın dəlili olaraq Dövlət Təhlükəsizliyi Xidmətinin əməkdaşlarının iğtişaşları sakitcə müşahidə etdiyini əks etdirən fotoşəkil yerləşdiriblər. İğtişaşların iştirakçıları arasında DTX generalı Rauf Xələfova oxşayan bir nəfər də göstərilib.
DTX öz bəyanatında bu iddiaları absurd adlandırıb. “Adı çəkilən əməkdaşın digər hüquq-mühafizə orqanlarının işçiləri ilə həmin vaxt xüsusi mühafizə obyekti olan Milli Məclisdə olması xidməti vəzifələrin icrasından irəli gəlib”, deyə bəyanatda bildirilir.
Qeyd edək ki, iğtişaşlar iyulun 15-də səhər saat 4 radələrində baş verib. DTX bu saatda Rauf Xələfovun Parlament binasında nə işi olduğunu açıqlamır. -02D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz