Açiq mənbələrdən foto.
Bakı/06.11.23/Turan: “Respublikaçı Alternativ” (REAL) partiyasının noyabrın 5-də keçirilən qurultayında təşkilatın Nizamnaməsinə və Proqramına dəyişiklik edilib, onlar siyasi partiyalar haqqında yeni qanuna uyğunlaşdırılıb.
Bundan başqa, Partiyanın Siyasi Komitəsinin 8 üzvü, Siyasi Təşəbbüslər Komissiyasının 6 üzvü və Nəzarət-Təftiş Komissiyasının 3 üzvü seçilib.
Siyasi Komitənin yeni tərkibinə Natiq Cəfərli, Rəsul Cəfərov, Elçin Əliyev, Zöhrab Əliyev, Toğrul İsgəndərli, Erkin Qədirli, Mahmud Mahmudov və İlqar Məmmədov daxil olub.
Siyasi komitə öz sıralarından qurumun sədrini seçəcək, o, həm də partiyanın lideri olacaq. “Respublikaçı Alternativ” 2009-cu ildə eyni şəxsin qeyri-məhdud sayda prezident vəzifəsində qalması ilə bağlı məhdudiyyətin ləğvinə etiraz hərəkatı olaraq yaradılıb. 2018-ci ildə hərəkat partiyaya çevrilib.
2020-ci ildə partiya ilk dəfə qeydiyyata alınıb, 2023-cü ildə partiyalar haqqında yeni qanunun tələblərinə uyğun olaraq yenidən qeydiyyatdan keçib. Partiyanın sədri keçmiş siyasi məhbus İlqar Məmmədovdur. 06D
Siyasət
-
Aktau təyyarə qəzasından sonra xilasetmə işlərində mühüm rol oynayan qurtarma işçiləri bazar günü Aktau şəhərində keçirilən rəsmi mərasimdə təltif edilib. Bu barədə Qazaxıstan Fövqəladə Hallar Nazirliyi məlumat verib.
-
İCAO qaydalarına uyğun olaraq AZAL-a məxsus təyyarənin qəzaya uğramasının səbəbləri ilə bağlı ilkin hesabat qəzadan 30 gün sonra ictimaiyyətə açıqlanacaq. Tengrinews xəbər verir ki, bu barədə yanvarın 5-də Qazaxıstan Nəqliyyat Nazirliyi məlumat yayıb.
-
Ermənistanın keçmiş prezidenti Levon Ter-Petrosyanın 1993-cü ildə etdiyi çıxışın video görüntüləri yayımlandıqdan sonra Azərbaycan icmasının sərt tənqidinə səbəb olub. Ermənistan dövlətini etnik təmizləmə siyasətinə dəstək verməkdə ittiham edən icma, bu çıxışın Ermənistanın mövcud ərazisi olan Qərbi Azərbaycan İcmasının bəyanatına əsasən, azərbaycanlılara qarşı dərin köklü düşmənçiliyi və siyasətləri vurğuladığını qeyd edib.
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
Rəy yaz