ReAl partiyaya çevrilir

“Respublikaçı Alternativ” (ReAl) vətəndaş hərəkatı siyasi partiyaya çevriləcək. Yeni partiyann xətti liderlərinin Azərbaycanın gələcəyinə baxışlarına uyğun olaraq qurulacaq. Belə ki, ReAl Azərbaycanın prezident respublikasından parlament respublikasına çevrilməsinin tərəfdarıdır. Bu barədə yanvarın 24-də keçirilən mətbuat konfransında ReAl hərəkatının icraçı katibi Natiq Cəfərli bildirib.

Partiya ərazi strukturlarını ölkənin inzibati bölgüsünə görə deyil, 125 seçki dairəsi üzrə, parlament deputatlarının sayına görə quracaq.

Partiya həmçinin inzibati-ərazi quruluşunda islahatların və 84 rayon əvəzinə 20-21 böyük vahid - əyalət (el) yaradılmasının tərəfdarıdır.

Dairə partiya təşkilatları əyalət partiya strukturlarını formalaşdıracaq. Onların hər birinin partiya məclisində bir nümayəndəsi olacaq.

Qurultayda məclisə nüfuzlu partiya üzvlərindən daha 40 nəfər seçiləcək. Məclis İdarə Heyətinin və onun cari rəhbərini təyin edəcək.

Qurultay çağırılana qədər təşəbbüs qrupu formalaşdırılacaq. Dövlət qeydiyyatı üçün təşəbbüs qrupuna ən az 1000 nəfər daxil olmalıdır.

Təsis qurultayının 2015-ci ilin may ayında keçirilməsi nəzərdə tutulur. Lakin buna qədər ReAl bələdiyyə seçkilərində iştirak etmək niyyətindədir.

2014-cü ilin may ayından etibarən ReAl həmçinin parlament seçkilərinə hazırlığa başlayacaq və dairələr üzrə namizədlərini müəyyən edəcək.

Gələcək partiya siyasi bloklara daxil olmaq niyyətində deyil, lakin parlament seçkilərində siyasi qüvvələrlə taktiki əməkdaşlığa yol verir.

Partiyanın ideoloji əsası dövlətin bütün sahələrə - iqtisadiyyat, təhsil, vətəndaşların şəxsi həyatı və s. sahələrə müdaxiləsinin minimuma endirilməsi prinsiplərinə əsaslanır.

Cəfərli bildirib ki, partiya liberalizm prinsiplərinə sadiq olsa da, klassik sağçı və ya solçu orientasiya təriflərindən uzaq olacaq.

“ReAl özünü solçu ideya daşıyıcılarının ona qədər etdiyi hər şein möhkəmləndirilməsi uğrunda mübarizə aparan tərəqqipərvər partiya kimi mövqeləndirəcək, habelə cəmiyyətin və vətəndaşların azad inkişafını təmin edəcək”, deyə Cəfərli bildirib.

ReAl məclisinin sədri Erkin Qədirli partiyanın proqram məqsədləri haqqında məlumat verir.

Proqram 4 hissədən ibarətdir: “Real Respublika”, “Real təhlükəsizlik”, “Real insan”, “Real proqress”.

Birinci hissədə parlament respublikasının yaradılması elan edilir. Bu məqsədin həyata keçirilməsi üçün ReAl islahatlar üçün 5 il ərzində keçid dövrünü zəruri hesab edir. Beləliklə, ReAl 2018-ci il prezident seçkilərində hazırki lideri İlqar Məmmədovla (hazırda həbsdədir) iştirak etmək niyyətindədir.

Məmmədov o vaxta qədər azad edilməsə, partiya nə edəcək? 

Bu suala cavabda Qədirli bildirib ki, partiya istənilən halda öz namizədi ilə seçkilərə gedəcək.

Parlament Respublikası real çoxpartiyalı sistemi və siyasi müxtəlifliyi təmin edir. Prezident institutu qalacaq, amma parlament tərəfindən seçilən dövlət başçısının həddindən artıq məhdud funksiyaları ilə.

Tarixən formalaşmış mərkəzlər – Gəncə, Şəki, Lənkəran, Şamaxı və s. ətrafında böyük inzibati-ərazi vahidlərinin (əyaləylərin) yaradılması ölkədə iqtisadi, mədəni, təhsil həyatını canlandırmağa imkan verəcək.

Dövlət orqanlarının bir hissəsini – Konstitusiya Məhkəməsini, Ali Məhkəməni və s., universitetləri, elm müəssisələrini regionlara köçürmək nəzərdə tutulur.

Əyalətlərin rəhbərləri onların əhalisi tərəfindən seçiləcək. Əyalətlərin həmçinin xalq tərəfindən seçilən məclisləri olacaq.

Naxçıvan Muxtar Respublikası (NMR) ərazi cəhətdən ayrı olduğu üçün əsasən hazırki statusunu saxlayacaq.

Dağlıq Qarabağa gəlincə, bu, gələcək razılaşmalardan asılı olacaq, lakin ReAl bəyan edir ki, DQ-nin ərazi cəhətdən Azərbaycana mənsubluğu müzakirə predmeti ola bilməz.

Yerli hakimiyyət bələdiyyələrə veriləcək. Bu zaman şəhər rəhbərləri də əhali tərəfindən seçilən merlər olacaq.

Həmçinin, məhkəmə-hüquq sistemində islahatlar, istintaq funksiyalarının bir orqanın əlində cəmləşdirilməsi nəzərdə tutulur.

“Real təhlükəsizlik” hissəsində müdafiə və təhlükəsizlik sektorunda islahatlar üzrə tədbirlər, peşəkar orduya keçid, daxili qoşunların ləğvi və jandarmeriya yaradılması, baş qərargahın ali baş komandana tabe edilməsi, müdafiə naziri vəzifəsinə mülki şəxsin təyin edilməsi, NATO standartlarına keçid nəzərdə tutulur.

Avrointeqrasiya və ölkənin ardıcıl olaraq ÜTT, NATO və Aİ-yə daxil olması kursu seçiləcək. 

Keçid dövründə maliyyə amnistiyası və eyni zamanda lüstrasiya həyata keçiriləcək.

Öz kapitallarını leqallaşdıran şəxslər eyni zamanda 10 il ərzində siyasətlə məşğul ola bilməyəcək.

“Real insan” hissəsində yüksək həyat standartlarına, xüsusən yüksək rifah, səhiyyə, elm və təhsil, mədəniyyət, dini etiqad səviyyəsinə nail olmaq üzrə tədbirlər nəzərdə tutulur.

“Real proqress” hissəsində liberal iqtisadi siyasət həyata keçirilməsi, azad sahibkarlığın inkişafı, ekologiyanın müdafiəsi və s. nəzərdə tutulur.

ReAl hərəkatı 2009-cu ilin yanvar ayında yaradılıb və hazırda 1200 üzvü var. Hərəkat lideri İlqar Məmmədov 2013-cü ilin yanvarında İsmayıllı iğtişaşları ilə əlaqədar saxta ittihamlarla həbs edilib. -06C-