Türkiyə prezidenti Rəcəb Tayyip Ərdoğan ölkənin təhlükəsizliyinin təminatı məsələsilə bağlı mühüm siyasi bəyanat verib. O deyib ki, ölkənin təhlükəsizlik məsələsi daxildə yox, onun hüdudlarından kənarda həll olunur. O, bu məsələnin həll olunduğu yerlərdən biri kimi Azərbaycanın Türkiyə ilə sərhəd regionu olan Naxçıvanı göstərib.
“Biz Türkiyəyə qarşı təhlükəni rüşeym halında ikən məhv etməliyik. Bir dəqiqə də unutmaq olmaz ki, Türkiyənin təhlükəsizliyi Qaziantep, Hatay, Qars və Artvin əyalətlərində deyil, Suriyanın Hələb və İdlib şəhərlərində, Kipr, Naxçıvan, Batumi, Balkanlarda başlayır”, - prezident Ankarada çıxışında bildirib.
Ərdoğan qeyd edib ki, Türkiyəyə açıq şəkildə meydan oxuya bilməyən qüvvələr əl altından iş görməyə cəhd edirlər.
“Maraqlıdır ki, öncələr utanmadan Türkiyəni İŞİD-ə qarşı mübarizədən imtina etməkdə suçlayanlar indi Ankaradan regionda antiterror əməliyyatlara son qoyulmasını tələb edirlər.
Ankaraya Suriya daxilində 20 kilometdən uzağa qoşun yeritməməyi məsləhət edirlər. Ancaq kim nə deyirsə desin, biz öz yolumuza davam edəcəyik”,- “Anadolu” agentliyi Ərdoğandan sitat gətirib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz