![Rəsmi Bakı ABŞ-ı Azərbaycanın daxili işlərinə qarışmaqda ittiham edib](https://turan.az/resized/media/2015/main/041700113007-750-500-resize.webp)
Rəsmi Bakı ABŞ-ı Azərbaycanın daxili işlərinə qarışmaqda ittiham edib
Azərbaycan XİN ABŞ Dövlət Departamentinin rəsmi nümayəndəsi Mari Xarfın hüquq müdafiəçisi Rəsul Cəfərovun həbsi ilə bağlı bəyanatına reaksiya verib.
XİN-in rəsmi nümayəndəsi Hikmət Hacıyev bildirib ki, ABŞ Dövlət Departamentinin bu bəyanatı yalnız təəccüb doğurur.
Azərbaycan Respublikasında qanunun aliliyi, fundamental azadlıqlar və məhkəmə hakimiyyətinin müstəqilliyi təmin olunur.
Azərbaycanda heç kim siyasi fəaliyyətinə və baxışlarına görə təqib olunmur. Azərbaycan beynəlxalq səviyyədə götürdüyü öhdəliklərə tam əməl edir, H.Hacıyev bildirib.
Onun sözlərinə görə, R.Cəfərov vergidən yayınma, mənimsəmə və digər qanunsuz əməllərə görə məsuliyyətə cəlb olunub və bu, məhkəmə qaydasında sübuta yetirilib.
Qanun qarşısında hamı bərabərdir və hüquq-müdafiə fəaliyyəti qanun qarşısında məsuliyyətdən azad etmir.
“ABŞ Dövlət Departamentinin qanunun aliliyi çərçivəsindən kənara çıxan bu bəyanatında məqsəd Azərbaycanın daxili işlərinə müdaxilədir”, - H.Hacıyev vurğulayıb.
Beynəlxalq öhdəliklərin yerinə yetirilməsinə çağıran ABŞ ilk növbədə işğalçı Ermənistandan beynəlxalq hüquq norma və prinsiplərinə, BMT nizamnaməsinə, Helsinki yekun aktına əməl edərək qoşunlarını işal edilmiş ərazilərdən çıxarmağı tələb etməlidir.
Ermənistan işğal etdiyi ərazilərdə işğalçı və təcavüzkar siyasəti davam etdirərək yenidən hərbi-tərxibat təlimləri həyata keçirir və ABŞ buna heç bir reaksiya vermir.
Ayrı-ayrı cinayət faktlarına belə böyük maraq yetirməkdənsə ABŞ-ın erməni təcavüzü nəticəsində 1 mln. azərbaycanlı qaçqın və köçkünün hüquqlarınn pozulmasına diqqət yetirməsi daha məqsədəuyğun olardı, - Azərbaycan XİN nümayəndəsi bildirib. —06D--
-
- İqtisadiyyat
- 17 Aprel 2015 14:50
-
- İqtisadiyyat
- 17 Aprel 2015 15:22
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz