Britaniyanın Avropa və Birlik işləri üzrə naziri Devid Lidinqton ATƏT DTİHB-nin Azərbaycanda prezident seçkilərinə verdiyi tənqidi qiymətə tam dəstək ifadə edib.
Lidinqtonun idarəsinin saytında yer alan bəyanatında deyilir ki, ATƏT DTİHB-nin seçkilərlə bağlı ilkin qiymətləndirməsində müsbət məqamlarla yanaşı, ciddi problemlər də var.
“Bu problemlərə fikri ifadə etmək, toplaşmaq və birləşmək azadlıqlarının məhdudlaşdırılması; kampaniya zamanı namizədlərin və jurnalistlərin qorxudulması haqqında məlumatlar və bilavasitə seçkilər günü böyük nöqsanlar aiddir.
Məruzənin müsbət məqamlarını və səsvermənin dinc gedişini alqışlayaraq, DTİHB-nin ümumilikdə seçkilərin Azərbaycanın ATƏT qarşısındakı öhdəliklərinə tam sadiqliyini təsdiq etməməsi ilə bağlı narahatlığına şərikəm.
Missiyanın yekun məruzəsini səbrsizliklə gözləyirəm və Azərbaycan hökumətini ATƏT DTİHB-nin tövsiyələrinin yerinə yetirilməsində bu qurumla əməkdaşlıq etməyə çağırıram”, deyə bəyanatda bildirilir.
Qeyd edək ki, dünən ABŞ da ATƏT-in seçkilərin demokratiya normalarına uyğun olmaması haqqında qiymətləndirməsinə tam dəstək ifadə edib ki, bu da Azərbaycan hakimiyyətinin qəzəbinə səbəb olub. -02D-
Siyasət
-
Toplum TV-nin təsisçisi Ələsgər Məmmədli bu gün Xətai Rayon Məhkəməsində pis rəftara məruz qalıb. O, həbs müddətinin uzadılması ilə əlaqədar oraya aparılmışdı. İstintaq Təcridxanasına qaytarıldıqdan sonra qardaşı Nəsimi Məmmədliyə zəng edib və proses başlayana qədər onu qolları qandallı halda məhkəmə binasında bir otaqda saatlarla gözlətdiklərini bildirib.
-
Azərbaycan hökuməti Ukraynanın işğaldan azad edildikdən sonra bərpa olunan İrpen şəhərində 4 layihəni maliyyələşdirəcək. Bu barədə həmin şəhərin meri Oleksandr Markuşin oktyabrın 2-də Azərbaycan prezidentinin xarici siyasət məsələləri üzrə köməkçisi Hikmət Hacıyevlə görüşdən sonra facebook-da yazıb.
-
"Vidadi İsgəndərlinin zorakı qətli səmərli və operativ şəkildə araşdırılmalıdır. Fransa hakimiyyətini onun mühacirətə getməsinə səbəb olan Azərbaycan prezidentinin və hökumətinin tənqidi də daxil olmaqla, qətlin bütün mümkün motivlərini nəzərdən keçirməyə çağırırıq. Bu mənfur cinayət təcili araşdırılmalıdır və ədalətli məhkəmə təhqiqatı zamanı bu cinayətdə şübhəli bilinən hər kəs məsuliyyətə cəlb edilməlidir". Bu barədə Amnesty İnternational təşkilatının Cənubi Qafqaz üzrə nümayəndəsi Natalya Nozadzenin bəyanatında bildirilir.
-
2-3 oktyabr tarixlərində Rusiyanın Xarici Kəşfiyyat Xidmətinin direktoru Sergey Narışkin Bakıya rəsmi səfərə gəlib. Səfər zamanı Azərbaycan prezidenti İlham Əliyev və Azərbaycanın Xarici Kəşfiyyat Xidmətinin və Dövlət Təhlükəsizliyi Xidmətinin rəhbərliyi ilə görüşlər keçirilib.
Rəy yaz