Rəsul Cəfərov ona qarşı irəli sürülmüş ittihamları rədd edir
Avqustun 4-də vəkil Xalid Bağırov Bakı İstintaq Təcridxanasında avqustun 2-də həbs edilmiş hüquq müdafiəçisi Rəsul Cəfərovla görüşüb. Turan-ın müxbiri ilə söhbətində vəkil bildirib ki, Rəsul Cəfərovun əhval-ruhiyyəsi yaxşıdır və o, irəli sürülmüş ittihamlarda özünü təqsirli bilmir və onları siyasi motivli hesab edir.
Xatırladaq ki, hüquq müdafiəçisi CM-in 192 (qanunsuz sahibkarlıq), 213 (vergi ödənişdən yayınma) və 308-ci (vəzifə səlahiyyətlərindən sui-istifadə) maddələri ilə ittiham olunur.
Vəkil də ittihamları əsassız adlandırır.
Rəsul Cəfərovun dövlət tərəfindən qeydiyyata alınmış QHT-si yox idi və o, müxtəlif layihələrdə koordinator kimi iştirak edirdi, bu isə vəzifə deyil. Vəzifəsi olmayan Cəfərov vəzifə səlahiyyətlərindən sui-istifadə də edə bilməzdi, deyə vəkil qeyd edib.
O, həmçinin “qanunsuz sahibkarlıq” ittihamını da yersiz sayır, belə ki, Cəfərov gəlir əldə etmək məqsədilə kommersiya fəaliyyəti ilə məşğul olmayıb.
Vergilərin ödənilməməsinə gəlincə, istintaq iddia edir ki, Cəfərov 5 illik maliyyə fəaliyyəti ərzində 150 min manat gəlirindən 6 min manatlıq vergini ödəməyib.
Lakin Cəfərov istintaqın tələb etdiyi bütün sənədləri hələ iyulun 31-də təqdim edib və istintaq fiziki olaraq bu sənədləri yoxlaya və vergidən yayınma faktını müəyyən edə bilməzdi.
Vəkil həmçinin Cəfərovun istintaqdan yayınmaq bəhanəsi ilə həbsinin əsassız olduğunu qeyd edib. “Rəsul Cəfərov iyulun 31-də, avqustun 1-də və 2-də səliqəli şəkildə prokurorluğa baş çəkib. İstintaqdan yayınma haqqında necə danışmaq olar?
Müstəntiq həbsi Cəfərovun “xarici təşkilatlarla yaxşı əlaqələri” olması və onun ölkədən gedə bilməsi ilə əsaslandırıb. Amma ölkəni tərk etməsinə qadağa qoyulubsa, o, necə gedə bilər? Müstəntiqin daha bir arqumenti o idi ki, Cəfərov azadlıqda qalarsa, “cinayət əməllərinə davam edə bilər”, Lakin qrant alınması və layihələrin həyata keçirilməsi cinayət fəaliyyəti deyil”, deyən Bağırov əlavə edib ki, həbs qərarından şikayət veriləcək. -16D06-
-
- Cəmiyyət
- 4 Avqust 2014 16:14
-
- Mədəniyyət
- 4 Avqust 2014 16:49
Siyasət
-
Çərşənbə günü dövlət başçısı İlham Əliyev Böyük Britaniyanın beynəlxalq enerji və iqlim üzrə naziri Keri Makkartini qəbul edib.
-
Oktyabrın 9-da dövlət başçısı İlham Əliyev BMT Baş katibinin birinci müavini Amina Mohammedi qəbul edib və onunla COP29-a hazırlıq məsələlərini müzakirə edib.
-
Gürcüstanda həbsdə olan Azel TV saytının rəhbəri Əfqan Sadıqov vəziyyətinin ağır olmasına baxmayaraq, penitensiar müəssisənin xəstəxanasında aclığı davam etdirir və tibbi yardımdan imtina edir, bu barədə Turan-a onun həyat yoldaşı bildirib.
-
Oktyabrın 9-da dövlət başçısı İlham Əliyev ABŞ Prezidentinin Beynəlxalq İqlim Siyasəti üzrə baş müşaviri Con Podestanı qəbul edib. Podesta COP29-la bağlı azərbaycanlı həmkarlarla çox səmərəli və məhsuldar söhbətlərin aparıldığını deyib və Azərbaycan prezidenti ilə COP29 barədə fikir mübadiləsi aparmaqdan məmnunluq hissi keçirdiyini vurğulayıb.
Rəy yaz