Bakı/30.11.18/Turan: Bako Saakyanın Rusiyaya səfəri şəxsi xarakter daşıyırdı, bu, nə Rusiya qanunvericiliyinə, nə hər hansı beynəlxalq razılaşmalara zidd deyil, bu barədə cümə günü RF XİN-in rəsmi nümayəndəsi Mariya Zaxarova bildirib.
"Bilirsiniz ki, bu səfərə yalnız şəxsi səfər kimi baxmaq olar, onun statusu göz önündədir. Və o, məhz bu şəkildə, şəxsi səfər qismində nə Rusiya qanunvericiliyinə, nə mövcud beynəlxalq razılaşmalara, nə Rusiyanın Dağlıq Qarabağ nizamlanmasında vasitəçilik missiyasına zidd deyil", deyə "İnterfaks" Zaxarovadan sitat gətirir.
"Buna görə Azərbaycan tərəfin bu yaxınlarda bəyanatda Rusiya tərəfə bildirdiyi iradlar bizim nöqteyi-nəzərimizdən əsassızdır", deyə Zaxarova qeyd edib.
Xatırladaq ki, Azərbaycan XİN RF hakimiyyətini Qarabağ separatçılarının Moskvaya səfərinə görə qınayaraq, bunun Qarabağ münaqişəsinin nizamlanmasında vasitəçi kimi Rusiyanın öhdəliklərinə zidd olduğunu, habelə ikitərəfli münasibətlərə ziyan vurduğunu bildirib.
Bakı Bako Saakyanın səfər etdiyi Parisə və Vaşinqtona da eyni iradları bildirib. -02D-
Siyasət
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
-
Qazaxıstanın Aktau şəhəri yaxınlığında baş verən təyyarə qəzası nəticəsində xəsarət alan şəxslərdən ümumilikdə 5 nəfərin (1 kişi, 4 qadın cinsli) müalicəsi Yeni Klinikada davam etdirilir.
Rəy yaz