RF XİN başçısının müavininin Moskvanın Bakı-Yerevan münasibətlərinin normallaşması üzrə səyləri haqqında şərhi

Bakı/23.02.23/Turan: Rusiya Bakı və Yerevan arasında münasibətlərin normallaşması üzrə məqsədyönlü səy göstərir. Onların əsasında 2020-2022-ci illərdə əldə edilmiş, iki ölkə arasında nəqliyyat əlaqələrinin açılmasını, Ermənistan-Azərbaycan sərhədinin delimitasiyasını, vətəndaş cəmiyyəti xətti ilə əlaqələrin inkişafını nəzərdə tutan üçtərəfli razılaşmalar kompleksi var.

Bu barədə TASS-a müsahibəsində RF xarici işlər nazirinin müavini Mixail Qaluzin "yaxın gələcəkdə Bakı və Yerevan arasında sülh sazişi imzalana bilərmi" sualına cavabda bildirib.

"Tərəflərə sülh müqaviləsinin hazırlanmasında ardıcıl köməklik göstəririk.

Bütün bu addımlar regionda möhkəm, sabit və ədalətli sülh üçün şərait yaradılmasına gətirib çıxarmalıdır, sülh müqaviləsi də bunu əks etdirəcək. Bizim vasitəçiliyimiz hər iki tərəfin maraqlarını nəzərə alan qarşılıqlı məqbul həllərin axtarışı məqsədilə konstruktuv və məzmunlu dialoqu təmin etməkdən ibarətdir. Bu məqsədlə Rusiya Federasiyasının xarici işlər nazirinin Ermənistan-Azərbaycan münasibətlərinin normallaşması üzrə nümayəndəsi Xovayev Yerevana və Bakıya müntəzəm səfərlər edir, sonuncu dəfə müvafiq olaraq 9-10 və 14-15 tarixlərində belə səfərlər baş tutub. Biz həmçinin Rusiyanın sülh prosesinin tərəflərin yanaşmalarını nəzərə alan təməl prinsipləri və parametrləri haqqında düşüncələrini tərəfdaşlarımıza bildirmişik", deyə Qaluzin bildirib. 02D