![RF XİN nümayəndəsi tezliklə Xəzərin statusu üzrə yekun sazişin imzalanacağına inanır](https://turan.az/resized/750/500/resize/media/2016/main/070800161407.jpg)
RF XİN nümayəndəsi tezliklə Xəzərin statusu üzrə yekun sazişin imzalanacağına inanır
Xəzərin hüquqi statusunun müəyyən edilməsi üzrə iş region dövlətlərinin sammitinə qədər başa çata bilər. Bunu Xəzər dənizi üzrə danışıqlarda Rusiya nümayəndə heyətinin rəhbəri, RF XİN-in xüsusi tapşırıqlar üzrə səfiri İqor Bratçikov RİA-Novosti agentliyinə bildirib.
Xəbər verildiyi kimi, “Xəzər beşliyi”nin (Azərbaycan, Rusiya, İran, Qazaxıstan, Türkmənistan) sammiti 2016-cı ildə Astanada keçiriləcək.
“Kompromis qərarlar üçün olduqca mühüm zəmin var – bu, bizim liderlərin Həştərxanda imzaladıqları siyasi bəyanatdır. Bəyanat tərəflərin dənizdə fəaliyyətini əhatə edir. Hazırda qarşıdakı məsələ ümumi yanaşmaları hüquqi formaya salmaqdır. Konvensiya (Xəzər dənizinin hüququ statusuna dair – red.) üzərində işin Qazaxıstan sammitinə kimi başa çatacağının tamamilə real olmasından çıxış edirik”, - Bratçikov vurğulayb.
Onun sözlərinə görə, bundan öncə konvensiya layihəsi beş ölkənin XİN rəhbəri tərəfindən təhlil ediləcək. Onlar gələn həftə Qazaxıstanda toplaşacaqlar. “Ümid edirik ki, nazirlər konkret razılaşmaya nail olacaq və bu, sənəddə əksini tapacaq”, - Bratçikov qeyd edib.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz