Rusiya Dağlıq Qarabağda vəziyyetin ciddi şəkildə gərginləşməsindən narahatdır. Bu barədə bugünki brifinqdə RF XİN-in rəsmi nümayəndəsi Aleksandr Lukaşeviç bildirib.
“Təmas xəttində və Ermənistan-Azərbaycan sərhədində çox çətin vəziyyət davam etməkdədir. Əvvəlki kimi atəşkəs rejiminin pozulması hallarının sayı çoxdur, döyüş qarşıdurmaları sıxlaşıb, diversiya-təxribatçı qruplar fəallaşıb”, deyə İTAR-TASS Lukaşeviçdən sitat gətirir.
Lukaşeviç qeyd edib ki, ATƏT-in monitorinq missiyasının rəsmi mənbələrin məlumatlarına əsaslanan xəbərinə görə, yalnız bu ilin yanvar ayı ərzində münaqişə zonasında 12 nəfər həlak olub, 18 nəfər yaralanıb. “Aydındır ki, qurbanların faktiki sayı xeyli çox ola bilər”, deyə o əlavə edib.
“İsrarla tərəfləri gərginliyin azaldılmasına yönəlmiş təsirli tədbirlər görməyə çağırırıq, münaqişənin gərginləşməsinə gətirib çıxaran addımlardan uzaq olmağa çağırırıq”, deyə rusiyalı diplomat bildirib. -0-
Siyasət
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
Rəy yaz