Moskva/01.02.18/Turan: RF XİN-in ənənəvi brifinqində qurumun rəsmi nümayəndəsi Mariya Zaxarova Dağlıq Qarabağda təmas xəttində ATƏT missiyasının monitorinqlərlə bağlı fəallığının artırılmasında Moskvanın rolunu şərh edib.
"Rusiya ATƏT-in Minsk Qrupunun həmsədr ölkələri ilə birlikdə təmas xəttində gərginliyin azaldılmasna tərəfdardır və münaqişə zonasında ATƏT-in müşahidəçilər missiyasının genişləndirilməsinə səy göstərir. Bu mövzu Rusiya prezidenti Vladimir Putinin Sankt -Peterburqda Azərbaycan və Ermənistan prezidentləri İlham Əliyev və Serj Sarkisyanla görüşünə (2016-cı il, iyun) həsr edilib. Həmçinin ötən ilin noyabrında Rusiyanın xarici işlər naziri Sergey Lavrovun Bakı və Yerevanda görüşləri zamanı müzakirə edilib.
ATƏT çərçivəsində əlavə müşahidəçilərin fəaliyyətini tənzimləyən sənədin bir neçə variantı hazırlanıb.
Yanvarın 18-də Krakovda üç həmsədrin təşkilatçılığı ilə iki ölkənin xarici işlər nazirlərinin görüşündə tərəflərə yenilənmiş təkliflər təqdim edilib.
Nazirlər vasitəçilərin hazırladığı sənədə prinsipial olaraq razılıq veriblər. Bəzi texniki detallar qalıb ki, tərəflər genişlənmə mexanizmi işə salınmadan öncə onları razılaşdırmalıdır", - o bildirib.-02D-
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz