![Riçard Hoqland ABŞ-ın ATƏT-in Minsk Qrupundakı yeni həmsədridir](https://turan.az/resized/media/2017/main/010300179448-750-500-resize.webp)
Riçard Hoqland ABŞ-ın ATƏT-in Minsk Qrupundakı yeni həmsədridir
Vaşinqton/04.01.16/Turan: Vaşinqton ümid edir ki, bu yaxınlarda təyin edilmiş ATƏT-in Minsk Qrupunun amerikalı həmsədri Riçard Hoqland Dağlıq Qarabağ münaqişəsinin davamlı və dinc yolla nizamlanması üçün özünün zəngin diplomatik təcrübəsindən istifadə edəcək. Bu barədə ABŞ Dövlət Departamentinin nümayəndəsi Turan-ın müxbiri ilə söhbətində Hoqland ilə bağlı bildirib.
Bundan öncə ABŞ-ın Ermənistanda və Azərbaycandakı səfirlikləri Riçard Hoqlandın Minsk Qrupunun müvəqqəti həmsədri təyin edildiyini bəyan ediblər. Əvvəlki həmsədr Ceyms Uorlik dekabrın 31-də istefa verib.
Hoqland 30 ildən artıq diplomatik təcrübəyə malikdir və bu yaxınlarda Suriyada hərbi əməliyyatların dayandırılması üzrə ABŞ və Rusiyanın səylərini koordinasiya edən qrupa rəhbərlik edib, bundan öncə ABŞ dövlət katibinin köməkçisinin müavini olub.
2015-ci ilin iyulunda Hoqland regional əməkdaşlıq sahəsində təşəbbüsləri, o cümlədən yeni “İpək yolu” layihəsini müzakirə etmək üçün Bakıya gəlib.
Bəzi amerikalı analitiklər Turan-ın müxbirilə söhbətdə yeni vasitəçinin problemlərlə üzləşə biləcəyindən narahatlıqlarını ifadə ediblər. Onların fikrincə, əsas problem ABŞ administrasiyasını Ermənistan-Azərbaycan münaqişəsinin nizamlanmasında fəal iştiraka razı salmaqdır, bu da “çox şübhəli görünür”.
Qeyd edək ki, 2007-ci ildə Corc Buş administrasiyası tərəfindən Hoqlandın ABŞ-ın Ermənistanda səfiri postuna namizədliyi irəli sürülmüşdü. Lakin Senatda bunun qarşısı alınıb və buna onun 1915-ci ildə Osmanlı Türkiyəsində baş verənləri “soyqırım” adlandırmaqdan imtina etməsi səbəb olub.-25В-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz