![Rusiya Azərbaycana "BAL" raket kompleksi satmaqdan imtina edib](https://turan.az/resized/media/2018/main/120500015278-750-500-resize.webp)
Rusiya Azərbaycana "BAL" raket kompleksi satmaqdan imtina edib
Moskva/05.12.18/Turan: "Kommersant" qəzeti Moskvanın Azərbaycana "Bal" raket kompleksləri satmaqdan imtina etdiyini bildirib.
Hərbiçilər hesab edirlər ki, sahil raket kompleksi Rusiyanın Xəzərdəki gəmiləri üçün təhlükə təşkil edəcək.
"Bal-E" ərazi sularına nəzarət, bazaların, sahil infrastrukturlarının və dəniz kommunikasiyalarının müdafiəsi üçün nəzərdə tutulub. Kompleksin tərkibinə özügedən komanda idarəetmə və rabitə məntəqələri, gəmi əleyhinə raketlərlə özügedən buraxılış qurğuları, nəqliyyat-yükləmə maşınları daxildir. Zərbə endirmə məsafəsi 120 km-ə qədər təşkil edir.
Nəşrin məlumatına görə, əvvəlcə tərəflər kiçik BRK partiyasının və onlarla 3M24 raketinin (X-35 raketlərinin ixrac versiyası) alqısı haqqında müqaviləni paraflayıblar. Amma saziş imzalanma mərhələsinə çatmayıb. Rusiya tərəfin hesablamaları göstərib ki, bu raketlərin ixrac modifikasiyası belə Rusiyanın ərazi sularında olan Hərbi Dəniz Donanmasının gəmiləri üçün potensial təhlükə daşıyır.
Hərbi-texniki əməkdaşlıq üzrə Federal Xidmətdən və "Rosoboroneksport"dan şərh verməkdən imtina ediblər.
Yüksək vəzifəli mənbənin sözlərinə görə, "Bal"ın Azərbaycan hərbiçilərinə satılması mövzusu "kifayət qədər incə geosiyasi məqamla" əlaqədar da hələ müzakirə edilmir. Son illər X-35 tipli raket yerüstü hədəflərin də vurulması üçün müasirləşdirilib, Moskva Bakının bu silahdan Dağlıq Qarabağda istifadə etməsini istəmir, deyə nəşrin həmsöhbəti bildirib. -02D-
-
- Siyasət
- 5 Dekabr 2018 11:10
-
- Bazarların icmalı
- 5 Dekabr 2018 11:36
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz