Rusiya Azərbaycana PDM-3 tədarükünü davam etdirir

Rusiyanın PDM-3 piyada döyüş maşınlarının Azərbaycana ixracı gələn il başa çatır, bu barədə TASS hərbi mənbələrə isnadən məlumat yayıb.

“Azərbaycan üçün PDM-3 tədarükü 2016-cı ildə başa çatır. Hazırda təxminən 50 maşından ibarət sonuncu partiyanın göndərilməsi gözlənilir”, deyə sentyabrın 9-da Russia Arms Expo – 2015 silah sərgisində agentliyin həmsöhbəti bildirib.

Bu ilin əvvəllərində məlum olub ki, Rusiya Azərbaycana T-90C tanklarının tədarükünü yekunlaşdırır.

Bir müddət əvvəl “Rosoboroneksport”dan bildiriblər ki, 2017-ci ildə RF 2010-cu ildə bağlanmış sazişlər üzrə böyük silah və texnika partiyasının tədarükünü yekunlaşdıracaq.

KİV-in məlumatına görə, söhbət üç batalyon üçün T-90C və üç batalyon üçün BMP-3 (100-ə yaxın maşın), həmçinin özügedən artilleriya, reaktiv yaylım atəşi sistemləri və ağır odsaçan sistemdən gedir.

Bundan başqa, Azərbaycan tanklarla dəst olaraq təmir-təxliyyə və mühəndislik maşınları da alıb. Ekspertlər bu müqavilələr paketinin dəyərini 1 mlrd. dollara qədər dəyərləndirir. -06D-