![Rusiya baş naziri Qarabağ nizamlanması haqqında](https://turan.az/resized/media/2016/main/052000156745-750-500-resize.webp)
Rusiya baş naziri Qarabağ nizamlanması haqqında
Yerevanda prezident Serj Sarkisyanın Avrasiya Hökumətlərarası Şurasının növbəti iclasında iştirak etmək üçün Ermənistana gəlmiş RF baş naziri Dmitri Medvedevlə görüşü keçirilib. Söhbət zamanı tərəflər Qarabağ mövzusuna toxunublar.
Sarkisyan deyib ki, Vyana danışıqlarında daimi monitorinq və atəşkəs rejiminin pozulmasının araşdırılması mexanizminin tətbiqi haqqında razılıq əldə olunub.
“Biz öz tərəfimizdən belə pozuntuların olmaması üçün əlimizdən gələni edəcəyik və ATƏT Minsk Qrupunun həmsədri olan ölkələrin xarici işlər nazirlərinin bizim birgə qəbul etdiyimiz qərarları ardıcıl olaraq yerinə yetirəcəyinə ümid edirik”, deyə o bildirib.
Öz növbəsində, Medvedev deyib ki, onun bundan əvvəlki səfəri kifayət qədər mürəkkəb dövrə təsadüf edib. “Demək istəyirəm ki, biz Rusiyada hadisələrin inkişafını çox gərgin şəkildə izləyirdik, əlimizdən gəldiyi qədər yaranmış vəziyyətin həllinə kömək edirdik. Əldə edilmiş atəşkəs razılığının davam etdirilməsi vacibdir. Bu kontekstdə biz Vyanada Azərbaycan prezidenti ilə görüşünüzü, habelə Minsk Qrupu çərçivəsində ünsiyyəti davam etdirmək və gələcəkdə bu cür hadisələrə yol verməmək, yəni 1994-95-ci illərdə əldə edilmiş razılaşmalara riayət olunması və əlbəttə ki, regionda daha möhkəm sülhə və Dağlıq Qarabağ münaqişəsinin tam nizamlanmasına nail olmaq məqsədilə dialoqu qoruyub saxlamaq üçün həyata keçirilən səyləri hərtərəfli alqışlayırıq”, deyə Rusiya baş naziri bildirib.
Medvedev həmçinin qeyd edib ki, Rusiya həmişə bu çətin münaqişənin həllinə kömək edib və edəcək. -02D-
-
- Cəmiyyət
- 20 May 2016 18:43
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz