Rusiyaya məxsus altı Su-34 bombardmançı cəbhə təyyarəsi Suriyanın Latakiya aerodromuna gəlib, bu barədə The Aviationist nəşri hadisə yerindən fotoşəkillərə istinadla məlumat yayıb.
Şəkillərdən birində Su-34-ə xas olan profilli aşağıdan uçan təyyarə görünür. Digərində səmada Rusiya Müdafiə Nazirliyinin Tu-154 təyyarəsi ilə bir qrup Su-34 təyyarəsinin uçuşu əksini tapır (sözügedən Tu-154 son bir həftədə bir neçə dəfə Latakiyada görünüb).
Nəşr qeyd edir ki, RFF7085 kodlu Tu-154 Latakiyaya sentyabrın 28-də İran və İraqın hava məkanı vasitəsilə gəlib.
Mozdoku hərbi aerodromundan (Şimali Qafqaz) uçan təyyarələr Xəzər dənizi istiqamətinə yola düşüblər, daha sonra onlar cənuba dönüblər və Azərbaycan sahili boyunca İrana qədər uçublar. Enzeli ərazisində onlar İraqın şimalı tərəfə dönüblər.
“Su-34-lər Bağdaddan şimala uçuş üçün bütün lazımi diplomatik icazələrə malik idilər, yoxsa sadəcə nəqliyyat təyyarəsinin quyruğunda Suriyaya “şütüyüblər”, deyə nəşr sual edir.
Sentyabrın 22-də Pentaqonda bildiriblər ki, Rusiya döyüş təyyarələri (çox güman ki, Su-30SM, Su-24M və Su-25) Latakiya aerodromuna gəlib. Moskvanın Rusiya HHQ-nin Suriyada görünməsi haqqında rəsmi şərhi yoxdur. -02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz