Bakı/20.12.18/Turan: Rusiya baş nazirinin müavini Dmitri Kozak Ermənistanın Nazirlər Kabinetinə məktub göndərib. O, Rusiya qazının Ermənistana 1000 kubmetrinin indiki kimi 150 dollardan deyil, 215 dollardan satılacağını bildirib. Bu barədə Ermənistanın "168 jam" qəzeti öz mənbələrinə istinadla məlumat yayıb.
Ermənistan baş nazirinin energetika sahəsinə görə cavabdeh olan müavini Avinyan şərhdən yayınıb.
Qəzetin məlumatı təsdiqini taparsa, bu, qiymətin 43% artması demək olacaq ki, bu da Ermənistan iqtisadiyyatına və istehlakçılarına böyük yükdür. Faktiki olaraq, bunu, Moskva tərəfindən Paşinyan hökumətinə təzyiqin başlanğıcı kimi qiymətləndirmək olar.
Görünür, təsadüfi deyil ki, dünən Ermənistanın İrandakı səfiri Tehranda Yerevanın İrandan qaz almaq istəyi məsələsini qaldırıb.
Eyni zamanda, RF XİN rəhbərliyi sərt bəyanatlarla çıxış edərək, Yerevanı ABŞ-ı öz ərazisinə buraxmamağa çağırıb. -02D-
Siyasət
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
-
Yerevanda rəsmi səfərdə olan Polşa prezidenti Andjey Duda Qafqazda sülh və sabitliyin zəruri olduğunu deyib.
-
NATO Baş katibinin əməliyyatlar üzrə köməkçisinin müavini Burcu Sanın rəhbərlik etdiyi nümayəndə heyəti Bakıya səfərə gəlib, bu barədə Müdafiə Nazirliyinin məlumatında deyilir.
-
Polkovnik-leytenant Qəhrəman Məmmədov qaçaqmalçılıq ittihamı ilə həbs olunub. KİV-in məlumatına görə, o, Türkiyədə üzərində 70 kq qızıl ilə saxlanılıb.
Rəy yaz