Açiq mənbələrdən foto.
Rusiya Ermənistanı silahlandırmaqla nə göstərmək istəyir?
Bakı/27.08.20/Turan: Rusiyanın müdafiə naziri Sergey Şoyqunun Bakıya səfəri Ermənistan-Rusiya hərbi əməkdaşlığının fəallaşması ilə eyni vaxta təsadüf edib. Belə ki, Şoyqu Azərbaycana gəlməzdən bir gün əvvəl Moskvada Ermənistanın müdafiə naziri Tonoyanla görüşüb.
Görüş başa çatdıqdan sonra Tonoyan təntənəli şəkildə bildirib ki, Ermənistandan başqa dünyada heç bir ölkə Rusiya ilə hərbi-texniki əməkdaşlığın belə səviyyəsinə görə qürur duya bilməz.
Həqiqətən də, Bakıya gəlməzdən və nəqliyyat təyyarələri ilə tikinti materialları göndərildiyi haqqında axmaq bəyanatlar verməzdən əvvəl Şoyqu Ermənistana məxsus köhnə SU-25 hücum təyyarələrinin müasirləşdirilməsi haqqında razılıq əldə edib. 14 SU-25 təyyarəsi müasir izləmə və aşkar etmə sistemləri ilə təchiz ediləcək, bu da onların döyüş qabiliyyətini əhəmiyyətli dərəcədə artıracaq.
Eyni zamanda Rusiya bildirib ki, Ermənistana 8 müasir ağır SU-30 SM qırıcı təyyarəsi göndərəcək.
KTMT üzvləri üçün bu təyyarələrin bir ədədinin qiyməti 30 mln. dollardır, deməli, sövdələşmə Yerevana 240 mln. dollara başa gələcək.
14 ədəd SU-25-in müasirləşdirilməsi üçün isə Yerevana 84 mln. dollar lazım olacaq. Ümumi məbləğ 324 mln. dollar təşkil edir. Belə bir sual yaranır: Yerevanın bu qədər vəsaiti hardandır?
Əvvəlki təcrübəni yada salsaq, Rusiyanın ən bahalı silahları (S-300 və “İskander” raketləri) Yerevana pulsuz göndərilib.
Bu fonda Azərbaycan Rusiyadan silahları beynəlxalq qiymətlərlə alır, son illər bu məqsədlə təxminən 5 mlrd. dollar xərcləyib.
Rusiyadan silah alan Azərbaycan haqlı olaraq şimal tərəfdaşının vicdanına ümid edə bilərdi, amma Moskva bir daha sübut edib ki, Azərbaycanı sadəcə olaraq “sağmaq” və Ermənistanı dəstəkləmək niyyətindədir. Bu zaman Moskvalı məmurların həyasızlığının həddi-hüdudu yoxdur və keçmiş yanğınsöndürən Şoyqu gözünü qırpmadan bəyan edir ki, Rusiya heç vaxt Azərbaycanın əleyhinə heç nə etməyəcək.
Şoyqunun nə dərəcədə axmaq göründüyü ona səthi nifrətlə baxan İlham Əliyevin üz ifadəsindən yaxşı görünürdü.
Görünür, Moskvanı Cənubi Qafqazda silah bazarından sıxışdırıb çıxarmağın və başqa ölkələrə istiqamətlənməyin vaxtı çatıb. Bu yaxınlarda ABŞ dövlət katibinin müavininin Amerikanın hər yerə silah göndərməyə hazır olması barədə səsləndirdiyi bəyanat təsadüfi deyildi. -02B-
-
- Siyasət
- 27 Avqust 2020 15:23
-
- İqtisadiyyat
- 27 Avqust 2020 16:36
Siyasət
-
Azərbaycan Respublikasının Baş Prokurorluğu, Daxili İşlər Nazirliyi və Minatəmizləmə Agentliyinin (ANAMA) Mətbuat xidməti məlumat verir ki, cari il aprel ayının 28-də Naxçıvan Muxtar Respublikasının Sədərək rayonunun Qaraağac kəndi ərazisində Ermənistan tərəfindən vaxtilə atılmış hərbi sursatın partlaması nəticəsində 1951-ci il təvəllüdlü Rzayev Vilayət Həsən oğlu və 1970-ci il təvəllüdlü Əliyev Adəm Həsən oğlu həlak olub.
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
Avropa Parlamentinin qətnaməsi niyə qərəzli adlandırılır? - Bəşir Süleymanlı Çətin sualda
InvestPro Azerbaijan Baku & Turkiye Istanbul 2024 – two conferences in one shot
Xəbər lenti
-
- Maliyyə,
- 00:18
- 187
Rəy yaz