Rusiya öz turistlərini Gürcüstandan təxliyyə edir

Bakı/22.06.19/Turan: Bütün mütəşəkkil Rusiyalı turistlər iyulun 8-nə qədər plana uyğun şəkildə və ya istənilən digər mümkün reyslərlə Gürcüstandan çıxarılmalıdır, bu barədə RİA-Novosti-yə Rusiya Turizm Sənayesi İttifaqının mətbuat katibi İrina Tyurina bildirib.

"Gürcüstanla aviasiya əlaqələri dayandırılana qədər 2 həftədən çox vaxt keçəcək və bu ölkədə istirahət edən əksər insanlar, yəqin ki, plana uyğun şəkildə oradan gedəcəklər. Turistlərdən istirahətini yarımçıq qoymaq istəməyən olarsa, onlar dönüş biletlərini özləri alacaqlar", deyə o bildirib.

Gürcüstana artıq yeni turistlər getməyəcək, belə ki, turizm operatorlarına tur satışlarını dayandırmaq tövsiyə olunub, deyə Tyurina bildirib.

Rusiya Turizm Operatorları Assosiasiyasının icraçı direktoru Mayya Lomidze RİA Novosti-yə bildirib ki, turistlər ya tam təzminata, ya da, istirahətləri yarımçıq qalıbsa, qismi təzminata ümid edə bilərlər.

Xatırladaq ki, Rusiya prezidenti iyunun 21-də Rusiya aviaşirkətlərinin Gürcüstana sərnişin daşımasının qadağan edilməsi haqqında fərman imzalayıb.

Kremlin addımları əhalinin döyüş əməliyyatları zonasından təxliyyəsini xatırladır. Bu qədər nümayişkaranə addımları Gürcüstanda son iğtişaşlar və anti-Rusiya əhval-ruhiyyəsi ilə izah etmək çətindir.

Uçuşların dayandırılması Gürcüstana səfərlərin qadağan edilməsi demək deyil, buna görə bir çox turistlər qonşu ölkələrdən, o cümlədən Azərbaycandan oraya gedə bilərlər. -02D-

Rəy yaz

Siyasət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti