Rusiya və Azərbaycan ticari-iqtisadi əlaqələri genişləndirir

Rusiya və Azərbaycan arasında ticari-iqtisadi əməkdaşlıq perspektivləri yaxşı və dinamikdir, bu barədə Bakıda səfərdə olan RF iqtisadi inkişaf naziri Aleksey Ulyukayev bildirib.

O, bazar ertəs Bakıda keçirdiyi mətbuat konfransında bildirib ki, 2004-cü ildən etibarən iki ölkə arasında ticarət dövriyyəsi 4,7 dəfə artıb. 2013-cü ilin yekunlarına görə, ticarət mübadiləsinin həcmi 3,6 mlrd. dollar təşkil edib və bu rəqəmi 4 mlrd. dollara çatdırmaq üçün bütün imkanlar var.

Azərbaycana səfərinə toxunan Ulyukayev bildirib ki, iqtisadi əməkdaşlığın genişləndirilməsi məsələlərini müzakirə edir, bu məsələ ilə bağlı Azərbaycanın iqtisadi inkişaf naziri Şahin Mustafayevlə danışıqlar aparılıb. Həmin danışıqların yekunları üzrə Memorandum imzalanıb.

Danışıqların konkret nəticələri haqqında danışan Ulyukayev bildirib ki, tərəflər qarşılıqlı investisiyalar üzrə zəmanətlər, Rusiyanın mərkəzi hissəsində Azərbaycan Ticarət-İqtisadiyyat Mərkəzinin yaradılması haqqında sazişlər imzalamağa və iki ölkə arasında uzunmüddətli iqtisadi inkişaf proqramını imzalamağa hazırlaşırlar.

“Demək olar ki, bu sənədlər artıq hazırdır və yaxın gələcəkdə onlar imzalanacaq”, deyə Ulyukayev bildirib.

İki ölkənin iqtisadi əlaqələrinin qarşısını alan problemlər haqqında suala cavabda Rusiya naziri məhdudiyyətləri “logistik xarakterli” və hüquqi bazanın kifayət qədər olmaması ilə bağlı məhdudiyyətlərə ayırıb.

“Buna görə nazir Mustafayevlə danışıqlarda biz hər iki ölkənin ərazisində logistika mərkəzlərinin yaradılması, nəqliyyat əlaqələrinin inkişaf etdirilməsi məsələsini qaldırdıq”, deyə Aleksey Ulyukayev bildirib. -02D-