Naxçıvan Azərbaycanın laboratoriyasıdır. Hal-hazırda Bakıda yaşananlar bir neçə il əvvəl Naxçıvanda yaşanıb. Naxçıvanda siyasi məhbuslar olub, siyasi fəaliyyətlə məşğul olanlara, ictimai işlə məşğul olanların ofislərinə hücumlar edilib. Evlərdə axtarış aparılıb, bank hesablarına həbs qoyulub, Naxçıvandan çıxmaq qadağan edilib. Bu barədə Naxçıvan Demokratiya və Qeyri Hökumət Təşkilatlarının İnkişafının Resurs Mərkəzinin rəhbəri Məlahət Nəsibova Turan-a bildirib.
Onun fikrincə, bu hadisələri Naxçıvanda fəaliyyət göstərən insanlar yaşayıb. Hazırda bunlar Bakıda və digər regionlarda təkrarlanır. “Bu onu göstərir ki, Naxçıvanda nisbi sakitlik deyilən bir şey var. Yəni Naxçıvanda da vəziyyət gərgindir, pərdəarxası ciddi proseslər gedir, Naxçıvanda da sözünü deyən insanlara təzyiqlər var”.
Hüquq müdafiəçisi son zamanlar Naxçıvandan insanların köç etməyə başladığını bildirib. “Bu köç prosesi daha da şiddətlənib”.
O, muxtar respublikada sosial durumdan danışarkən deyib ki, insanların iqtisadi durumu çox aşağı vəziyyətdədir. “Həm də yerli hakimiyyət insanların üzərində o qədər basqı qurub ki, bu səbəbdən də psixoloji durum ağırdır. Bu da insanların həyatına çox böyük təsir göstərir. İndi də insanlar dövlət orqanlarına şikayətlərini çatdıra bilmirlər. Hər an onların evlərini əllərindən ala bilərlər. Hər an onları işdən çıxara bilərlər. İnsanlar basqı altındadırlar”.
M.Nəsibova regionda hələ də korrupsiyaya qarşı mübarizənin ciddi xarakter almadığını bildirib. “ASAN xidmət bizdə yoxdur. Hələ bu xidmət bizim bölgəyə gəlib çıxmayıb. Ancaq korrupsiya ilə bağlı mübarizə əslində yüksək təbəqələrdən başlanılmalıdır. Yüksək dövlət orqanlarından başlanılmalıdır. Bizdə də bu, mümkün deyil. Siyasi iradə olmasa, bunu həyata keçirmək qeyri mümkündür”, deyə o qeyd edib. -03B-
Cəmiyyət
-
"ToplumTV işi" adlandırılan cinayət işi üzrə təqsirləndirilən şəxslərin ittihamının ağırlaşdırıldığı, istintaqın artıq yekunlaşmaq üzrə olduğu bildirilir. Həmin cinayət işinə "Toplum" İnternet Televiziyasının, Demokratik Təşəbbüslər İnstitutunun, habelə III Respublika Platforması təşəbbüsünün bəzi əməkdaş və təmsilçilərinin həbsi daxildir. Müdafiə tərəfinin məlumatina görə, onlara Cinayət Məcəlləsinin 162-1.1 (Əmək müqaviləsi olmadan işçilərin cəlb edilməsi), 192.3.2 ( küllü miqdarda gəlir əldə etməklə qanunsuz sahibkarlıq), 193-1.3.1 (Cinayət yolu ilə əldə edilmiş əmlakı leqallaşdırma), 193-1.3.2 (...xeyli miqdarda), 206.4 (mütəşəkkil dəstənin qaçaqmalçılığı) və 213.2.1 (Vergiləri,... ödəməkdən yayınma ) maddələri ilə yeni ittihamlar irəli sürülüb. Əvvəl "ToplumTV işi" üzrə həbs olunanlar 206.3.2-ci (qaçaqmalçılıq – qabaqcadan əlbir olan bir qrup şəxs tərəfindən törədildikdə) maddələri ilə təqsirləndirilirdi. Əvvəlki ittihamlarla şəxslərə 8 ilədək həbs verilə bilərdisə, indi cəza müddəti 12 ilə çata bilər.
-
Çərşənbə axşamı hava dəyişkən olacaq, yağıntı olmayacaq. Şimal-qərb küləyi əsəcək. Havanın temperaturu gecə müsbət 3+6, gündüz müsbət 6+9 dərəcə olacaq. Rütubət 70-80 faiz olacaq.
-
İmişli rayonunda ictimai yerdə törətdikləri xuliqanlıq hərəkətlərinə görə bir qrup şəxs həbs edilib.
-
İmişli rayonunda yol-nəqliyyat hadisəsi nəticəsində iki uşaq ölüb, üçü yaralandığı bildirilir. Daxli İşlər Nazirliyinin mətbuat xidmətindən Turana bildirilib ki, xidmətə gedən Dövlət Yol Polisi avtomobilinin qarşısına digər bir nəqliyyat vasitəsinin çıxması nəticəsində xidməti avtomobil yol kənarında olan uşaqlara dəyib. Onlardan 2 nəfər həlak olub, digər azyaşlılar və sürücü xəstəxanaya çatdırılıb.
Rəy yaz