![Rusiya və Türkiyə «Türk axını» qaz kəməri layihəsinin reallaşmasının mümkünlüyünü bildiriblər](https://turan.az/resized/750/500/resize/media/2016/main/072600163474.jpg)
Rusiya və Türkiyə «Türk axını» qaz kəməri layihəsinin reallaşmasının mümkünlüyünü bildiriblər
Türkiyə “Türk axını” qaz kəmərinin inşası ilə bağlı Rusiya ilə dialoqu yenidən başlamaya hazır olduğunu bəyan edib. Bu barədə baş nazirin müavini Arkadi Dvorkoviç iyulun 26-da Moskvada Türkiyənin baş nazirinin müavini Mehmet Şimşəklə danışıqlardan sonra bildirib.
Dvorkoviç qeyd edib ki, layihənin perspektivləri Şimşəkin Rusiyanın energetika naziri Aleksandr Novak ilə görüşündən sonra bəlli olacaq, “İnterfaks” bildirib.
“Türk axını” layihəsi ilkin mərhələdədir, “lakin tərəflərin xoş məramı ilə kifayət qədər cəld irəliləmək olar”, - RİA-Novosti baş nazir müavininin sözlərindən sitat gətirib.
2014-cü ilin dekabrında “Qazprom” və Türkiyənin “Botas” şirkəti “Türk axını” qaz kəmərinin inşasına (ilkin olaraq 63 mlrd. kub m. gücündə planlaşdırılıb, sonra iki dəfə azaldılıb) dair memorandum imzalayıblar. Ancaq layihə uzunmüddətli olmadı və 2015-ci ildə Türkiyə hərbçilərinin Rusiya qırıcısını vurması səbəbindən iki ölkə arasında yaranan münaqişə fonunda donduruldu.
“Biz hər zaman “Türk axını” üzrə dialoqa açıq olmuşuq, indi də açıqığ”, - iyunda “Qazprom”un nümayəndəsi Sergey Kupriyanov bildirmişdi.
Rusiya və Türkiyəni ənənəvi olaraq enerji maraqları birləşdirir. İki ölkə arasında münasibətlərin pisləşməsi praktik olaraq qaz satışına təsir göstərməyib: Türkiyə Almaniyadan sonra “Qazprom” üçün ikinci satış bazarı olaraq qalır. 2015-ci ildə Rusiya Türkiyəyə 26,9 mlrd. куб m. və ya onun tələbatının 55%-ni nəql edib.
Xatırladaq ki, “Türk axını” layihəsi Avropa İttifaqı onu dəstəkləməkdən imtina etdikdən sonra dondurulub. Bu layihə Rusiya qazının Balkanlara və Qərbi Avropaya nəqli üçün Türkiyənin Avropa hissəsindən istifadəni nəzərdə tutur.
Görünür, avqustun 9-da Putin və Ərdoğanın görüşündə əsas mövzulardan biri bu olacaq.
-02D-
-
- Sual-cavab
- 26 İyul 2016 13:51
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz