Rusiya vertolyotları Dağlıq Qarabağda sülhyaratma əməliyyatlarına cəlb ediləcək

Moskva/12.11.20/Тuran: Rusiya HHQ Mi-8 və Mi-24 vertolyotları Dağlıq Qarabağ münaqişəsi zonasında hərbi əməliyyatların dayandırıldığı bölgələrə nəzarət edəcəklər. Bu barədə cümə axşamı Rusiya Müdafiə Nazirliyindən jurnalistlərə bildiriblər.

“Vertolyotlar Dağlıq Qarabağ münaqişəsi zonasında atəşkəs və hərbi əməliyyat ərazilərinə hava monitorinqinin həyata keçirilməsi üçün sülhyaratma əməliyyatında iştirak edəcəklər”, - hərbi qurumdan qeyd ediblər.

Vertolyotlar Yerevan aerodromuna An-124 "Ruslan" hərbi-nəqliyyat aviasiyasının təyyarələri ilə göndərilib.

Rusiya Müdafiə Nazirliyi çərşənbə günü məlumat verib ki, RF müdafiə naziri, ordu generalı Sergey Şoyqu və Türkiyə hərbi idarəsinin rəhbəri Hulusi Akar arasında  videobağlantı üzrə danışıqların yekunlarına əsasən, Dağlıq Qarabağda atəşkəsə nəzarət üzrə Rusiya-Türkiyə birgə mərkəzinin yaradılmasına dair memorandum imzalanıb. Mərkəz Azərbaycanın ərazisində olacaq.-16D-