Rüstəm İbrahimbəyov Ali Məhkəməyə şikayət verib

Demokratik Qüvvələrin Milli Şurasının (DQMŞ) rəhbəri Rüstəm İbrahimbəyovu bu gün MSK-nın onun prezidentliyə namizədliyini təsdiq etməkdən imtinası ilə əlaqədar Azərbaycan Ali Məhkəməsinə kassasiya şikayəti verib. Bu barədə Turan-a İbrahimbəyovun vəkili Fuad Ağayev bildirib.

Qanuna əsasən, AM şikayətə 3 gün ərzində baxmalıdır. Bundan əvvəl Apellyasiya Məhkəməsi İbrahimbəyovun şikayətini təmin etməyib.

Xatırladaq ki, MSK 9 oktyabrı prezident seçkiləri üçün İbrahimbəyovun namizədliyini təsdiq etməkdən üç səbəbdən imtina edib: Azərbaycan pasportu ilə yanaşı Rusiya pasportunun olması; xarici dövlətlər qarşısında öhdəliklərin olmaması haqqında kifayət qədər sənəd təqdim edilməməsi; son 10 il ərzində Azərbaycan ərazisində daimi yaşamama.

Lakin İbrahimbəyov bütün bu əsasları təkzib edib. Vəkilinin sözlərinə görə, MSK “ikili vətəndaşlıq” və iki vətəndaşlıq arasında fərq görmür. İkili vətəndaşlıq yalnız iki vətəndaşlığın qarşılıqlı qəbul olunması haqqında hökumətlərarası saziş əsasında mümkündür.

İbrahimbəyov RF qarşısında öhdəliklərinin olmaması haqqında arayış təqdim edib.

MSK-nın son 10 il ərzində İbrahimbəyovun cəmi 1163 gün Azərbaycanda olması haqqında arqumentlərinə gəlincə, vəkil İbrahimbəyovun Azərbaycanda doğulduğunu, oxuduğunu və yaşadığını bildirib, xaricdə olması isə onun yaradıcılıq layihələri ilə əlaqədar idi. -06C-