Məhkəmə Ə.Zeynallının Mətbuat Şurasına qarşı iddiasını rədd edib
Bu gün Nərimanov rayon məhkəməsində “Xural” qəzetinin həbsdə olan redaktoru Əvəz Zeynallının Mətbuat Şurasına qarşı mülki iddiasına baxılması yekunlaşıb.
Xatırladaq ki, Zeynallı Mətbuat Şurasının 2011-ci ildə qəbul etdiyi “Xural” qəzetinin “reket qəzet” elan edilməsi və “qara siyahıya” salınması haqqında qərarının qanunsuz hesab olunmasını istəyib.
İddiaçı bunun qəzetin işgüzar nüfuzuna xələl gətirdiyini hesab edərək, məhkəmədən Mətbuat Şurası barəsində səlahiyyətlərin aşılması haqqında xüsusi qərar çıxarmağı xahiş edib.
Lakin məhkəmə ittihamı təmin etməyib. İndi Zeynallı məhkəmənin qərarından yuxarı instansiyalara şikayət vermək və Avropa İnsan Hüquqları Məhkəməsinə qədər getmək niyyətindədir.
* Zeynallı 2011-ci ilin oktyabrında həmin vaxt parlamentin deputatı olan Gülər Əhmədovanın rüşvət tələb etmə şikayəti əsasında həbs olunub. Sonradan Əhmədova özü həbs edilsə də və hazırda fırıldaqçılıq ittihamı ilə istintaq altında olsa da, Zeynallı rüşvət tələb etmə, vergilərdən yayınma və məhkəmənin qərarını icra etməmə ittihamları ilə 9 il azadlıqdan məhrum edilib. Beynəlxalq təşkilatlar onu siyasi məhbus kimi tanıyıb. -16D06-
Siyasət
-
Bazar ertəsi ABŞ bildirib ki, ballistik raketlərin İrandan Rusiyaya verilməsinin mükünlüyü barədə xəbərlərdən "inanılmaz dərəcədə narahatdır" və əgər bu, doğrudursa, "dramatik eskalasiya" olacaq, çünki Qərb müttəfiqləri tədbirlər görməyə "hazırdır".
-
ABŞ-ın nüfuzlu senatoru Ben Kardin bazar ertəsi COP29-a sədrlik edən Azərbaycanı bu ilin noyabrında Bakıda keçiriləcək iqlim sammiti ərəfəsində həbsdə olan ondan çox jurnalist və fəalı azad etməyə çağırıb, Turanın Vaşinqtondakı müxbiri xəbər verir.
-
Mərkəzi Seçki Komissiyası (MSK) 119 saylı Ağdam, 60 saylı Quba-Qusar, 73 saylı Masallı Cəlilabad, 63 saylı Hacıqabul-Kürdəmir seçki dairəsində pozuntularla bağlı şikayətləri müəyyən edilmiş müddəti keçdiyinə görə geri qaytarıb.
-
Sentyabrın 9-da Bakıda Türk Dövlətləri Təşkilatının (TDT) dəstəyi ilə Türk Akademiyasının Atatürk Mədəniyyət, Dil və Tarix Ali Şurası yanında Türk Dilçilik Cəmiyyəti ilə birgə təşkil etdiyi Türk Dünyasının Ortaq Əlifba Komissiyasının üçüncü iclası açılıb.
Rəy yaz