“Azərbaycanın Tbilisidəki səfirliyində səs verdim, bundan sonra çox sayda jurnalistə müsahibə verərək, Cəmil Həsənliyə səs verdiyimi bildirdim”, deyə Milli Şuranın lideri, məşhur kinodramaturq Rüstəm İbrahimbəyov Turan-ın müxbiri ilə telefon söhbətində bildirib.
“İlham Əliyevə səs verdiyim tamamilə yalandır. Belə bir axmaqlıq kimin ağlına gələ bilərdi?”, deyə o qeyd edib.
“Mən tamamilə aydın olan səbəblərdən Cəmil bəyə səs verdim. Azərbaycanın gələcəyini məhz bu insanla bağlayıram. Bu seçkilərdə o, gözəl lider və siyasətçi kimi özünü göstərdi.
O, özünü canlı yayında təkbaşına ona qarşı aqressiv əhval-ruhiyyəli 7 nəfərə qarşı mübarizə aparan əla polemikaçı kimi göstərdi. Bu zaman dərin bilik, dözümlülük və səriştəlilik nümayiş etdirdi. O, şərəfli ziyalı, nailiyyətləri dünya ictimaiyyəti tərəfindən tanınmış gözəl alimdir”, deyə İbrahimbəyov bildirib.
“Əminəm ki, mükəmməl natiqlik qabiliyyətinə, müxalifəti və bütünlükdə cəmiyyəti birləşdirmək qabiliyyətinə görə seçicilərin əksəriyyəti ona səs verib.
Həmçinin, əminəm ki, hakimiyyət bugünki saxtakarlıqları ilə Cəmil Həsənlinin reytinqini daha da qaldırıb və bu reytinq bundan sonra yalnız artacaq”, deyə Rüstəm İbrahimbəyov bildirib. -02В-
Siyasət
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
Rəy yaz