Sabirabadda saxlanılan AXCP fəallarına qarşı hələ rəsmi ittiham irəli sürülməyib
Azərbaycan Xalq Cəbhəsi Partiyasının (AXCP) mətbuat xidmətinin rəhbəri, jurnalist Natiq Ədilovun qardaşı Murad Ədilov və dayısı oğlu Səbuhi Nadirova qarşı hələ rəsmi ittiham irəli sürülməyib. Bu barədə Natiq Ədilov Turan-a bildirib.
Natiq Ədilov bu gün polis şöbəsində olub, qardaşı və dayısı oğlunun saxlanmasının səbəbləri ilə maraqlanıb. Polis şöbəsindən bildiriblər ki, hazırda araşdırma aparılır.
Xatırladaq ki, hər iki şəxs fevralın 27-də günorta saatlarında yaşadıqları Sabirabad rayonunun Xəlfəli kəndində saxlanıb.
Natiq Ədilov bildirib ki, Murad və Səbuhinin hər-hansı günahı yoxdur. “Onlar mənim “qurban”ımdır. Hökumət yenə də xislətinə sadiqdir, mənə belə təsir etmək istəyirlər. Murada dəfələrlə demişdim ki, mənə görə sənin başına min bir oyun gətirə bilərlər. Çünki son vaxtlar aramsız təhdidlər almaqdayam, sadəcə ictimai xofu gücləndirməmək üçün onları xəbər etməyə qıymırdım”, deyə Natiq Əbilov bildirib.
AXCP mətbuat xidmətinin rəhbərinin sözlərinə görə, martın 10-da onun Xəlfəli kəndindəki ata evində AXCP-nin Sabirabad rayonunda müşavirəsinin keçirilməsi nəzərdə tutulur. Bu barədə AXCP Sabirabad rayon təşkilatının məclisi ötən həftənin bazar günü qərar qəbul edib.
“Ona görə də yaxın adamlarının polisə çağırılmalarının tədbir öncəsi təzyiq ola bilməsini istisna etmirəm”.
Öz növbəsində, Sabirabad Rayon Polis Şöbəsinin rəisi Mübariz Quliyev bildirib ki, polisin keçirdiyi əməliyyat zamanı narkotik vasitələrin qanunsuz dövriyyəsində təqsirləndirilən Sabirabad rayonu Xəlfəli kənd sakinləri Murad Ədilov və Səbuhi Nadirov tutulub. -03B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz