Açiq mənbələrdən foto.
Bakı/20.10.23/Turan: "Arsax respublikası ləğv edilməyib. Bu barədə fərman və onun ortaya çıxması şərtlərilə bağlı daha ətraflı və detallı şəkildə Ermənistan İctimai televiziyasının efirində açıq danışacağam". Bu barədə Qarabağ "prezidenti" Samvel Şahramanyan Yerevanda etiraz edən Qarabağ sakinlərinə bildirib.
"Heç bir sənəd xalq referendumu ilə yaradılmış Arsax Respublikasını ləğv edə bilməz", - o deyib.
"Mən hər birinizlə görüşməyə, ətraflı məlumat verməyə hazıram, amma başa düşməlisiniz ki, həm Arsax, həm də Ermənistan çox çətin vəziyyətdədir və hər yanlış hərəkət gözlənilməz nəticələrə səbəb ola bilər", - o, Qarabağın Ermənistandakı nümayəndəliyinin qarşısında etiraz edənlərə deyib.
Qarabağı tərk edən sakinlərdən ibarət böyük qrup cümə günü etiraz aksiyası təşkil edərək Şahramanyandan "DQR"in buraxılması haqda fərmanı imzalamasının səbəbini açıqlamağı tələb edib.
Xatırladaq ki, sentyabrın 28-də Samvel Şahramanyan 1 yanvar 2024-cü ildən bütün "DQR" qurumlarının mövcudluğunun dayandırılmansa və buraxılmasına dair fərman imzalayıb. 02D
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz