![Açiq mənbələrdən foto.](https://turan.az/resized/media/2023/main/090700066309-750-500-resize.webp)
Açiq mənbələrdən foto.
Şahramanyanın "prezident" seçilməsinə bir addım qalıb, Samvel Babayan Bakı ilə danışıqlar aparır, Ruben Vardanyan isə hamıya qarşı mübarizə aparmaqla təhdid edir
Bakı/07.09.23/Turan: Deyəsən, Qarabağ separatçılarının lideri bir neçə gün əvvəl "dövlət naziri" təyin edilmiş Samvel Şahramanyan olacaq.
"Prezident" seçkiləri sentyabrın 9-da "parlamentin" iclasında keçiriləcək, bu barədə "Azadlıq" Radiosunun Ermənistan xidməti məlumat yayıb. Lakin beş fraksiyadan dördü artıq indidən Şahramanyanın namizədliyini irəli sürüb.
"Parlamentdə" böyüklüyünə görə ikinci fraksiyanın lideri Samvel Babayan bildirib ki, onun "Tək vətən" partiyasının üzvləri səsvermədə iştirak etməyəcəklər. O, Şahramanyanın namizədliyi ilə razı olmadığını açıq şəkildə ifadə edib. Buna qədər Babayan "prezident" vəzifəsinə öz namizədliyini irəli sürməyə çalışıb, amma Qarabağ elitası arasında dəstək tapmayıb.
Lakin o, artıq özünü Qarabağın lideri kimi aparır, Bakı ilə danışıqlar apardığını və humanitar böhranın aradan qaldırılmasına dair təklifləri Azərbaycana təqdim etdiyini bildirib. Amma bu təklifləri kimə və hansı kanallara təqdim etdiyinə və hansı cavabı aldığı barədə heçnə deməyib.
Babayan öz təklifini yalnız ümumi şəkildə ifadə edir: əvvəlcə azərbaycanlılarla qarşılıqlı etimad əldə etmək, daha sonra isə siyasi həllə keçmək. O iddia edir ki, "Dağlıq Qarabağ hakimiyyətinin" də Bakı ilə hər gün əlaqə saxladığına dair məlumata malikdir.
Hakimiyyətə daha bir namizəd, rusiyalı biznesmen və keçmiş "dövlət naziri" Ruben Vardanyan bortdan kənarda qalıb və dəstək tapmayıb. Bununla belə, o, Qarabağı Azərbaycanın tərkibində tanıyacaq istənilən hakimiyyətə qarşı mübarizə aparmağı vəd edir.
Samvel Şahramanyana (1978-ci il təvəllüdlü) gəlincə, o, əvvəllər "Qarabağın Təhlükəsizlik Xidmətinin" rəhbəri vəzifəsini tutub, daha sonra "gənclər və idman naziri" olub və ötən həftə əvvəlki "prezident" Araik Arutyunyan onu "dövlət naziri" təyin edib. 0
-
- Maliyyə
- 7 Sentyabr 2023 11:01
-
- İqtisadiyyat
- 7 Sentyabr 2023 11:13
Siyasət
-
Azərbaycan Xarici İşlər Nazirliyi Avropa İttifaqı Şurasının Ermənistana Avropa Sülh Fondu çərçivəsində 10 milyon avro məbləğində hərbi yardım verilməsi barədə qərarını pisləyib Fransa tərəfindən Ermənistanın “Bastion” çoxməqsədli zirehli avtomobilləri və “Sezar” özüyeriyən artilleriya qurğuları ilə təchiz edilməsi istiqamətdə atılan addımlardan sonra, Avropa İttifaqının Ermənistana hərbi yardım göndərməsi qərarı olduqca yanlış və təhlükəli addımdır və regionda gərginliyin artmasına xidmət edir. Avropa İttifaqı tərəfindən bu kimi fəaliyyətlər açıq şəkildə birtərəfli və qərəzli xarakter daşıyır, bölgədə “bölücü xətlər” yaratmaq siyasətinin təzahürüdür. Bu barədə Azərbaycan Xarici İşlər Nazirliyinin mətbuat katibi Ayxan Hacızadə sözü gedən qərarı şərh edərək bildirib.
-
İyulun 22-də Avropa İttifaqı Şurası Ukraynaya hücum ilə əlaqədar Rusiyaya qarşı sanksiyaları daha 6 ay, 31 yanvar 2025-ci ilədək uzadıb.
-
İyulun 22-də Azərbaycan prezidenti İlham Əliyev “ASAN Viza” sistemi haqqında” Əsasnamədə dəyişiklik edilməsi barədə fərman imzalayıb.
-
İstanbul Universitetinin doktorantı, iqtisadçı Fazil Qasımov 38-ci gündür Bakı İstintaq Təcridxanasında aclıq edir.
Rəy yaz