Siyasi Azadlıqları Müdafiə Alyansı (SAMA) yanvarın 26-da Bakıda “Silahızı üstümüzdən çəkin” etiraz aksiyasında apardığı monitorinqin nəticələrinə dair açıqlama yayıb. Bu aksiya “Binə” Ticarət Mərkəzində keçirilən aksiya və İsmayıllıda xalq üsyanı zamanı saxlanılan vətəndaşlara verilən polis işgənclərinə etiraz olaraq keçirilib.
Qurum öz müşahidələrinə əsasən qeyd edir ki, polis əməkdaşları aksiya iştirakçılarının bir yerə toplanmasına imkan verməyib. Aksiya zamanı jurnalistlərə qarşı kobudluğa yol verilib. Aksiya zamanı saxlanılan şəxslərə hüquqi yardımın göstərilməsi üçün vəkillərlə görüşə imkan verilməyib. 23 nəfər inzibati qaydada cərimələnib, əksər şəxslər isə xəbərdarlıq edilərək sərbəst buraxılıb.
Daha sonra açıqlamada Müsavat Partiyasının başqanı İsa Qəmbərin Lənkəran səfəri və rəsmi qurumların bu səfəri pozması əksini tapır. Yol polisinin səlahiyyət həddini aşdığı qeyd olunur.
Qurum hər iki aksiyada sərbəst toplaşma hüququnun zorakı və kobud şəkildə pozulduğunu bildirir, vətəndaşların həbs və yüksək məbləğdə cərimə edilmələrini siyasi ayrı-seçkilik adlandırır. Eyni zamanda ölkə rəhbərliyi vətəndaşların azadlıqlarını təmin etməyə çağırılır. -05D-
Siyasət
-
USAID-in ölkədə fəaliyyət göstərməsi üçün hüquqi əsas olmadığı və fəaliyyətini dayandırmalı olduğu barədə bildiriş ABŞ tərəfinə rəsmən göndərilib.
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
Rəy yaz