Samir Şərifov Şvetsi məhkəməyə verə bilər

Keçmiş DTK əməkdaşı Yuri Şvetsin maliyyə naziri Samir Şərifovun barəsində sensasion bəyanatı ictimaiyyətdə narahatlıq doğurmaqda davam edir, qızğın müzakirələrə yol açır.

Bəziləri hesab edirlər ki, nazirə böhtan atırlar və bunun arxasında Azərbaycanın daxilində müəyyən qüvvələr durur. Bir qismi isə hesab edir ki, hökumət daxilində Azərbaycanın maraqlarının əleyhinə fəaliyyət göstərən şəbəkənin mövcud olması mümkündür.

Turan-ın müxbiri hüquq sahəsində ekspert Ələsgər Məmmədlidən vəziyyətin və dövlət orqanlarının mümkün hərəkətlərini şərh etməyi xahiş edib.

Hüquqşünas hesab edir ki, əgər təxribat törədilibsə maliyyə naziri Samir Şərifov özü günahkarları məsuliyyətə cəlb edə bilər.

Belə ki, o, informasiya mənbəyini və Şvetsin müsahibəsinin dərc olunduğu nəşri məhkəməyə verə bilər.

Nazir ən azı vətəndaş iddiası qaydasında təzkib və kompensasiya tələb etməklə öz ləyaqətini müdafiə edə bilər.

Xatırladaq ki, ABŞ-da yaşayan keçmiş sovet kəşfiyyatçısı Yuri Şvets bu günlərdə Ukraynanın http://gordonua.com saytına müsahibəsində bildirib ki, maliyyə naziri Samir Şərifov sovet xarici kəşfiyyatı tərəfindən “ələ alınıb”. SSRİ-nin süqutu ərəfəsində onu türklər, onların vasitəsilə də amerikalılar “ələ alıb”. Lakin sonradan S.Şərifov RF xüsusi xidmətinə “işləməyə başlayıb”. Maliyyə Nazirliyinin nümayəndəsi Şvetsin dediklərini “cəfəngiyyat” adlandırıb.—06B--