«Yuğ»da Teatrı «təcrübədənən nəzəriyyə» layihəsinə başlayır

Azəbaycan Dövlət YUĞ Teatrı “Teatr: təcrübədən nəzəriyyəyə” adlı yeni layhənin icrasına başlayıb. Mədəniyyət və Turizm Nazirliyindən verilən məlumata görə, layihənini məqsədi  teatr prosesində canlanma yaratmağa, teatrla cəmiyyət, teatr xadimləri, dramaturqlar, yazarlar, tələbələr arasında intensiv qarşılıqlı ünsiyyət yaratmaqdır.

Nazirliyin açıqlamasında deyilir ki, “teatr prosesini hərəkətə gətirən, yaşadan ən vacib amil qarşılıqlı ünsiyyətdir. Bu ünsiyyət yalnız teatr-tamaşaçı müstəvisində deyil, həmçinin teatrsevərlərin, bu sahəyə hər hansı bir səmərə vermək potensialına malik insanların arasında qurulmalıdır”.

 Dünya təcrübəsində, buna nail olmaq üçün müxtəlif tipli teatr festivallarının, konfransların, seminarların, treninqlərin, master-klassların, şou-keyslərin və s. tədbirlərin təşkili xüsusi önəm daşıyır. Gənc rejissor, aktyor, teatrşünas, dramaturq kadrlar məhz bu tipli tədbirlərdə aşkarlanır, yetişir və inkişaf edir. Layihə müəllifləri hesab edir ki, milli teatr prosesini canlandırmaq üçün Avropa teatr təcrübəsində sınaqdan keçmiş üsul və vasitələrin tətbiq edilməsi produktivdir.

Layihə çərçivəsində ilk tədbir by gün gerçəkləşəcək. Müasir dramaturgiyanın problemlərinə həsr olunmuş tədbirdə Mehman Musabəylinin “Toy səyahəti” pyesinin teatrallaşdırılmış oxunuşundan sonra ingilis rejissor Metyu Qoldun iştirakı ilə seminar keçiriləcək. Sonra dramaturqların, teatrşünasların, rejissor və aktyorların, ədəbi tənqidçilərin, jurnalistlərin və tələbələrin iştirakı ilə müzakirə olacaq.