Dövlət başçısının köməkçisi Əli Həsənov Kristofer Smitin Azərbaycan dövlət məmurlarına qarşı sanksiyalar tətbiq edilməsi haqqında qanun layihəsini rəsmi Vaşinqtonun mövqeyini əks etdirməyən “düşməncəsinə addım” adlandırır.
Həsənov qanun layihəsi müəllifini “erməni soyqırımı”nın tanınmasına nail olmağa çalışan “ermənipərəst” adlandırıb.
“Buna görə bu məsələyə ciddi yanaşmaq lazım deyil. Ümid edirik ki, Smitin bu əməli rəsmi ABŞ nümayəndələri tərəfindən rədd olunacaq və bu layihə tarixə erməniyönlü qüvvələrin həyata keçirilməmiş növbəti arzusu kimi yazılacaq”, deyə Həsənov bildirib.
Daha sonra o qeyd edib ki, Azərbaycanda ABŞ-la strateji tərəfdaşlığa son qoymağı, Azərbaycana qarşı qərəzli münasibətə adekvat cavab verməyi tələb edən qüvvələr var. “Lakin qeyd etdiyim kimi, biz, ABŞ-la münasibətlərin inkişaf etdirilməsində maraqlıyıq”.
“Amma ABŞ bu qərəzli layihəni rəsmi olaraq dəstəkləsə, Azərbaycan hakimiyyəti müvafiq şəkildə reaksiya verəcək. Bundan heç kimin şübhəsi olmasın”, deyə Əli Həsənov qeyd edib. -02D-
Siyasət
-
Fevralın 6-da ABŞ Konqresinin 20-yə yaxın üzvü Xarici Əlaqələr Komitəsinə qətnamə təqdim edib və Azərbaycan hakimiyyətindən Qubad İbadoğlunun azadlığa buraxılmasını tələb edir.
-
7 fevral 2025-ci il tarixdə Azərbaycan – Ermənistan dövlət sərhədində Azərbaycan Respublikası Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Ermənistan Respublikası Əsir düşmüş, saxlanılmış və itkin şəxslər üzrə idarələrarası komissiyasının nümayəndələri arasında görüş baş tutmuşdur.
-
Jurnalist Şahnaz Bəylərqızının həbsindən apellyasiya şikayəti verilib. Bu barədə cümə günü Turan agentliyinə onun vəkili Bəxtiyar Hacıyev bildirib.
Rəy yaz