Sankt-Peterburq gəmiqayırma sahəsində Azərbaycanla əməkdaşlıq etmək istəyir

Bu gün prezident İlham Əliyev Sankt-Peterburq şəhərinin qubernatoru Georgi Poltavçenkonu və onu müşayiət edən nümayəndə heyətini qəbul edib.

Görüş zamanı dövlət başçısı ikitərəfli münasibətlərin bütün istiqamətlərdə uğurla inkişaf etdiyini bildirib. O, Georgi Poltavçenkonun səfərinin bu əməkdaşlığın daha da möhkəmləndirilməsinə imkan verəcəyini vurğulayıb. İ.Əliyev həmçinin regional əməkdaşlığın möhkəmləndirilməsinin zəruri olduğunu deyib.

Cavab sözündə Sankt-Peterburq şəhərinin qubernatoru Bakıda doğulduğunu və Bakının onun üçün doğma olduğunu vurğulayıb. O, son vaxtlar Azərbaycan paytaxtının inkişafını yüksək qiymətləndirib.

Bakı və Sankt-Peterburq arasında əməkdaşlığa toxunan G.Poltavçenko qeyd edib ki, əlaqələrin daha da möhkəmləndirilməsi işində səylərini əsirgəməyəcək. O, Sankt-Peterburq şəhərinin Azərbaycanla  iqtisadi, ticarət və digər sahələrlə yanaşı, gəmiqayırma sektorunda da əməkdaşlığın genişləndirilməsində maraqlı olduğunu deyib.02D-