Saxlanılan askiya iştirakçılarını Bakıdan kənara aparıblar (YENİLƏNİB)

“Respublikaçı alternativ” Partiyasının lideri İlqar Məmmədov da azad edilib. Siyasətçinin sözlərinə görə, onu 4 saat avtomobildə gəzdirblər və yekunda Bakı-Şamaxı yolunda “İzotop” radiaktiv tullantıların utilizasiyası zavodunun yanında buraxıblar.

*   *   *

2020 Fevral (Bazar günü) 17:29:36

Saxlanılan aksiya iştirakçılarını Bakıdan kənara aparıblar

Bakı/16.02.20/Turan:  Bazar günü parlament seçkilərinin saxtalaşdırılmasına qarşı etiraz aksiyasından əvvəl və aksiya zamanı 55 nəfər, o cümlədən partiya liderləri, deputatlığa namizədlər, müşahidəçilər və MSK-nın elan elədiyi rəsmi məlumatlarla razı olmayanlar saxlanılıb. Bu barədə Müsavat Partiyasının mətbuat xidmətinin rəhbəri Mustafa Hacıbəyli məlumat verib.

Aksiyadan əvvəl saxlanılan Müsavat Partiyasının lideri Arif Hacılının və “Respublikaçı alternativ” Partiyasının rəhbəri İlqar Məmmədovun saxlanma yeri indiyə qədər məlum deyil.

D 18 hərəkatının lideri Ruslan İzzətlini Yevlax şəhərinə (Bakıdan 300 km qərbdə) aparıb və orda buraxıblar.

“Hərəkat” blokundan namizədlər Mehman Hüseynov və Ülvi Həsənlini Hacıqabul-Kürdəmir trasında (Bakıdan 150 km qərbdə) sərbəst buraxıblar.

Aksiya zamanı saxlanılan vətəndaşları avtobuslarla şəhərdən kənara aparıb Bakıdan 60-80 km aralıda, Sənqəçalın, Ələtin, Qobustanın səhra yerlərində və Bakı-Şamaxı avtoyolunda sərbəst buraxıblar.—0-