Bakı/27.09.19/Turan: Bu gün 1 saylı Bakı İnzibati-İqtisad Məhkəməsində Elçin Məmmədovun sədrliyi ilə arqument.az saytının Rabitə Nazirliyinə qarşı iddiası üzrə hazırlıq iclası keçirilib. Redaksiya saytın bu il 8-10 aprel tarixlərində Rabitə Nazirliyi tərəfindən bloklanmasını qanunsuz hesab edir.
Saytın redaktoru Şəmşad Ağanın Turan-a verdiyi məlumata görə, sayt Cəlilabad rayonunda yerli sakinlərin kütləvi etiraz aksiyası haqqında məqalə və videomaterialın dərc edilməsindən sonra bloklanıb.
"Saytı blokladılar və bizdən materialları silməyi tələb etdilər. Biz imtina etdik. İki gün sonra saytı açdılar", deyə redaktor bildirib.
İndi redaksiya nazirliyin əməllərinin qanunsuz hesab edilməsini xahiş edir.
Məhkəmədə Rabitə Nazirliyinin nümayəndələri idarənin saytın bloklanması ilə əlaqəsi olmadığını bildiriblər.
Redaktor xatırladıb ki, sayt ikinci dəfədir bloklanır. 2018-ci il avqustun 8-də Səbail rayon məhkəməsi saytın bloklanması haqqında qərar çıxarıb, amma avqustun 10-da Apellyasiya Məhkəməsi bu qərarı ləğv edib, deyə redaktor bildirib. Onun sözlərinə görə, mahiyyəti üzrə dinləmələr oktyabrın 22-də saat 11.20-də keçiriləcək. -06D-
Siyasət
-
Dövlət Departamentinin sözçüsü Metyu Miller gündəlik brifinqdə deyib: “Biz hər iki ölkənin davamlı və şərəfli sülh razılaşması əldə etmək səylərini dəstəkləməyə davam edirik”.
-
TURANın Vaşinqton müxbiri xəbər verir ki, ABŞ dövlət katibi Entoni Blinken bazar ertəsi Azərbaycan prezidenti İlham Əliyevə zəng edərək Azərbaycan və Ermənistan arasında davamlı və ləyaqətli sülhün vacibliyini bir daha təsdiqləyib.
-
Sentyabrın 16-da Bakı Ağır Cinayətlər Məhkəməsində iş adamı, Milli Məclisin sabiq deputatı Nazim Bəydəmirlinin işi üzrə prosesdə dövlət ittihamçısı məhkəmə istintaqının yekunlaşdırılmasını təklif edib.
-
Sentyabrın 16-da Gürcüstan Miqrasiya Xidməti Azərbaycan vətəndaşı, “Azel” TV saytının təsisçisi Əfqan Sadıqova sığınacaq verməkdən imtina edib. Bu barədə Turan agentliyinə onun xanımı Sevinc Sadıqova bildirib.
Rəy yaz