Seçici siyahılarında soyadın olmaması səs vermək üçün maneə deyil

Azərbaycan MSK sədri Məzahir Pənahov ölkədə demokratik prezident seçkiləri keçirilməsi üçün bütün şəraitin olduğuna inandırıb.

Azərbaycanda azad, şəffaf, demokratik prezident seçkilərinin keçirilməsi üçün bütün zəruri şərtlər var, bu barədə o, oktyabrın 8-də keçirilən mətbuat konfransında bildirib.

Bununla yanaşı, Pənahov İctimai Televiziyanın efirindəki teledebatlarda bəzi namizədlər “yolverilməz davranışa və rəqiblərinin ünvanına təhqiredici ifadələrə yol veriblər”. Lakin Pənahov bunu məhz kimin etdiyini dəqiqləşdirməyib.

Pənahov ölkədə 5 milyon 145 min seçici olduğunu, onların oktyabrın 9-da 5492 seçki məntəqəsində səs verəcəyini bildirib.

Bunlardan 5273 məntəqə daimidir. Digər 219 seçki məntəqəsi xaricdə Azərbaycan diplomatik missiyalarında, habelə ölkə ərazisində yerləşən hərbi hissələrdə, Xəzər Dəniz Gəmiçiliyi İdarəsinin strukturlarında, neft platformalarında, pansionatlarda, həcc ziyarəti zamanı və s. təşkil olunacaq.

Seçki məntəqələrinin 20%-də səsvermə prosesinin şəffaflığının təmin edilməsi məqsədilə veb-kameralar quraşdırılıb.

MSK rəhbər xüsusi olaraq qeyd edib ki, bütün Azərbaycan seçiciləri seçki siyahılarında adlarını tapmasalar belə, səsvermədə maneəsiz iştirak edə bilərlər. Səsvermədə iştirak üçün seçicilər şəxsiyyətlərini təsdiq edən sənədləri təqdim etməlidirlər.

Azərabycanda prezident seçkilərinin monitorinqini 52 minə yaxın yerli və 1400-ə yaxın beynəlxalq müşahidəçi aparacaq. -06D-