Ötən gün prezident İlham Əliyev Sabirabad, Saatlı və Ağcabədi rayonlarına səfər edib, bir neçə sosial-iqtisadi obyektin açılışında iştirak edib. İ.Əliyevin səfəri ilə əlaqədar Ağcabədi Mərkəzi Rayon Xəstəxanasının və Gənclər Mərkəzinin açılışı olub.
Saatlıda dövlət başçısı Olimpiya İdman Kompleksinin, 44 min nəfər əhalisi olan 17 yaşayış məntəqəsini birləşdirən Qarayevkənd-Sımadakənd yolunun açılışında iştirak edib.
Sabirabadda İ.Əliyev Kür çayı üzərində yeni körpünün, həmçinin Hacıqabul-Sabirabad hissəsində yenidən qurulan Hacıqabul-Bəhramtəpə avtomobil yolunun açılışında iştirak edib. Bundan əlavə, prezident Sabirabadda müasir istilik kompleksinin açılışında iştirak edib.
Qeyd edək ki, son həftələr dövlət başçısı ölkənin bir çox yerlərinə səfər edib ki, bu da müxalifət tərəfindən prezidentliyə namizəd olaraq gizli seçki kampaniyasının aparılması kimi qiymətləndirilir. İ.Əliyevin səfərləri ölkə telekanalları tərəfindən geniş işıqlandırılır. Bu, yalnız seçkiqabağı təşviqatın başlanmasından – sentyabrın 16-dan sonra seçkiqabağı görüşlər keçirə biləcək digər prezidentliyə namizədlər üçün qeyri-bərabər şərait yaradır.06D-
Siyasət
-
Cümə günü xarici işlər naziri Ceyhun Bayramov Türkiyənin Ermənistanla münasibətlərin normallaşdırılması üzrə xüsusi nümayəndəsi Serdar Kılıçı qəbul edib.
-
Sentyabrın 13-də Bakı Ağır Cinayətlər Məhkəməsində müxalif siyasətçi Tofiq Yaqublunun cinayət işi üzrə məhkəmədə onun ifadəsi davam etdirilib.
-
MSK bugünki iclasında 70 saylı Neftaçala Seçki Dairəsi üzrə deputatlığa namizəd, ictimai fəal Vəfa Nağının şikayətlərinə baxıb. O, kobud pozuntular və saxtalaşdırmalarla əlaqədar 23 seçki məntəqəsi üzrə səsvermənin nəticələrinin etibarsız hesab olunmasını xahiş edib.
-
Sentyabrın 13-də Gürcüstan Miqrasya xidmətinin əməkdaşı Tbilisi İstintaq Təcridxanasında bu ölkədən sığınacaq istəyən Azel TV nəşrinin təsisçisi Əfqan Sadıqovla yenidən müsahibə keçirib.
Rəy yaz