Səfir Azərbaycandan gözlənilən səfərlərin anonsunu verib

Serbiyanın Azərbaycanda səfiri Zoran Vayeviç cümə günü İnterfaks agentliyində iki ölkə arasında münasibətlərin durumuna dair mətbuat konfransı keçirib.

Səfir ümumilikdə iki ölkə arasında münasibətlərin “ən yüksək səviyyədə” olduğunu deyib və daha sonra təfərrüatlara toxunub.

2014-cü ilin fevralında müdafiə naziri Zakir Həsənovun Serbiyaya səfəri gözlənilir. Səfir ikitərəfli hökumətlərarası komissiyanın nöbvəti iclası ilə bağlı Azərbaycan tərəfdən komissiyanın rəhbəri, iqtisadi inkişaf naziri Şahin Mustafayevin martın 3-4-də Serbiyaya gedəcəyini bildirib. Daha bir neçə səfər də gözlənilir, hələlik müzakirə səviyyəsindədir. Serbiya Azərbaycanla viza rejimini aradan qaldırmaqda maraqlıdır və viza rejiminin sadələşdirilməsini gözləyir. Qarşıdakı illərdə tibb, turizm, idman sahəsində əlaqələrin daha da güclənməsi hədəf seçilib.

Səfir 2013-cü ulin ən diqqət çəkən uğuru kimi Serbiya prezidenti Tomislov Nikoliçin Azərbaycana səfərini, səfər çərçivəsində dostluq və strateji tərəfdaşlıq haqda imzalanan birgə bəyannaməni, bir çox sahələr üzrə imzalanan iki tərəfli sazişləri göstərib. Tərəflərin beynəlxalq arenada bir-birini  dəstəkləməsi də xüsusi vurğulanıb. İki ölkə arasında 2010-cu ildə bir neçə milyon avro həcmində olan ticarət dövriyyəsi 2012-2013-cü illərdə 40 milyon avroya qalxıb.Azərbaycanla müxtəlif  sahələr üzrə 450 milyon avro həcmində müqavilələr imzalanıb. Azərbaycan Serbiyaya yol inşası ilə bağlı 308 milton avro kredit verib. Bu kredit müqaviləsindən əlavə, reallaşdırılan digər layihələr də var.  

İncəsənət, ədəbiyyat və kino sahəsində əlaqələrin gücləndiyi deyilib. Bir çox serb yazarlarının əsərlərinin Azərbaycan, bir çox Azərbaycan yazaralarının əsərləri serb dilinə tərcümə olunub. Kinorejissor Vaqif Mustafayev Serbiya ilə mədəni əməkdaşlığa görə III dərəcəli Serbiya bayrağı oredenilə təltif edilib.-05C-