![Azərbaycanda torpaq neçəyədir?](https://turan.az/resized/media/2014/main/021400069135-750-500-resize.webp)
Azərbaycanda torpaq neçəyədir?
İki dövlət strukturu torpaq hərracı elan edib. Onların start qiyməti tam ziddir. Analiz göstərir ki, ölkədə korrupsiya riski üçün faktlar lap çoxdur.
Dövlət Torpaq və Xəritəçəkmə Komitəsi 18 fevralda torpaq hərracları kçeirir. Onlardan birində Qax bələdiyyəsi kommersiya obyekti tikintisi üçün 11 hektar torpağı müsabiqəyə çıxarıb. Normativ qiymət 33 000 manat olsa da, torpağa 550 000 manat qiymət qoyulub. Beləliklə, 1 sot 5 000 manata təklif edilir. Əmlak Məsələləri Komitəsi özəlləşdirilmiş SC-lərin torpaq sahələrini hərraca çıxarır. Məsələn, 11 martda “Gəncə Topdansatış” ASC (31 740 m2), “Kürdəmir İnşaat Xidmət” (7 104,8 m2) və “Mingəçevir Kulinariya Mərkəzi”nin (2 541 m2) torpağı hərraca çıxarılır. Torpaqların start qiyməti rəmzidir. Məsələn, “Gəncə Topdansatış” ASC-nin torpağını 57 132 manata və ya 180 manata, “Kürdəmir İnşaat Xidmət”in torpağını 50,99 manata, “Mingəçevir Kulinariya Mərkəzi”nin torpağını 41 manata aımaq olar. Sual çıxır: belə ucuz olduğu halda SC-lər özləri nədən obyektlərin altındakı torpağı özəlləşdirmir?
“Mingəçevir Kulinariya Mərkəzi”nin səhmdarı Vəzir Rəcəbov Turan-a bildirib ki, hökumət qəsdən özəlləşdirilən SC-lərə ucuz qiymət qoyur ki, mülkiyyətçilər onları almaqda maraqlı olsun. Amma ƏMDK qəsdən prosesə mane olur, əngəllər yaradır. «2012-ci ildə səhmdarı olduğum Cəlilabad Şərab zavodu №1-in 2 ha torpağının satışı üzrə hərracda iştirak etmək istədim. Hərrac mərkəzində hətta iştirak ərizəsi verməyə mane oldular. Torpaq əvvəlcədən danışılmış şəxsə 2000 manata satıldı», deyə Rəcəbov qeyd edib.
2008-2013-cü illərdə ƏMDK hərraclar təşkil edib və 20 SC və bir fiziki şəxsin torpaqları satılıb. Torpaqlar rəqabətsiz şəraitdə start qiymətinə satılıb.
2013-cü ildə DTXK şəhər və rayonlarda bələdiyyə torpaqlarının satışı və icarəsi üzrə 2 628 hərrac keçirib. 08B
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz