Fransalı diplomat Aleksis Şahtaxtinski ATƏT-in Bakı ofisinin (bu il yanvarın 1-dən layihələrin koordinatoru statusuna endirilib) yeni rəhbəri təyin edilib. O 2014-cü il martın 1-dən fəaliyyətə başlayacaq. Bu barədə ATƏT-in məlumatında deyilir.
“Yeni mandata uyğun olaraq mən hökumət və qeyri-hökumət qurumları, yerli hakimiyyət orqanları, universitetlər, Azərbaycanın elmi-tədqiqat institutları ilə əlaqələr yaradacağam.
Komandamın üzvləri ilə birlikdə hər üç ölçüdə (təhlükəsizlik, insan hüquqları, ekologiya- iqtisadi məsələlər) layihələrin reallaşmasında ATƏT prinsip və öhdəliklərinin yerinə yetirilməsinə yardım göstərəcəyik”, - o bildirib.
Bundan əvvəl Aleksis Şahtaxtinski Parisdə XİN-də çalışıb, fransalı nazirin Avropa üçün xüsusi müşaviri olub.
Avropa təhlükəsizliyinin təminatı üzrə 20 illik təcrübəsi olan karyeralı diplomat müxtəlif ölkələrdə fəaliyyət göstərib. Əsasən Moskvada NATO informasiya bürosuna rəhbərlik edib, Belarus və Tacikistanda müvəqqəti işlər vəkili, Krakovda (Polşa) Fransanın baş konsulu olub. Həmçinin ATƏT-in keçmiş Bakı ofisinin rəhbərinin müavini olub.
A.Şahtaxtinski Azərbaycan əsillidir. Onun ulu babaları öncə Türkiyəyə, sonra Avropaya mühacirət ediblər. —06D--
Siyasət
-
Rusiya və İran prezidentləri Vladimir Putin və Məsud Pezeşkian yanvarın 17-də Moskvada danışıqlar aparacaqlar və mətbuata açıqlama verəcəklər, bu barədə Kremlin mətbuat xidməti məlumat yayıb.
-
Yanvarın 13-də Bakı Ağır Cinayətlər Məhkəməsində hakim Aygün Qurbanovanın sədrliyi ilə ictimai fəal Nicat İbrahimin cinayət işi üzrə məhkəmənin hazırlıq iclasında Nicat İbrahim "qanunsuz" həbsinə və məhkəmənin gedişinə etiraz olaraq məhkəmə zalında saxlanıldığı şüşə qəfəsə başı ilə zərbələr endirərək intihara cəhd edib.
-
Beynəlxalq Narahat Alimlər Komitəsi həbs edilmiş tədqiqatçı İqbal Əbilovun azad edilməsinə köməklik göstərmək xahişi ilə Azərbaycan prezidenti İlham Əliyevə müraciət edib.
-
Gürcüstanın XİN başçısı Maka Boçorişvili dünən Azərbaycanın Gürcüstandakı səfiri Faiq Quliyevlə görüşüb.
Rəy yaz